ساتىپ العان تاۋاردى قايتا وتكىزۋگە بولا ما؟

دۇكەندەر مەن بازارلاردان «تاۋاردى اۋىستىرۋعا، قايتارۋعا بولمايدى» دەگەن جازۋلاردى ءجيى كورۋگە بولادى.

زاڭگەر ۆەنەرا نۇرعالي قىزىنىڭ ايتۋىنشا، بۇل – زاڭعا قايشى، دەپ حابارلايدى Almaty-akshamy.kz

قازاقستان رەسپۋبليكاسىنىڭ تۇتىنۋشىلاردىڭ قۇقىقتارىن قورعاۋ تۋرالى زاڭىنىڭ 14-بابىنا سايكەس، ءسىز ساتىپ العان تاۋاردى ۇناتپاساڭىز نەمەسە ءپىشىنى كەلمەي قالسا، باسقا تاۋارعا اۋىستىرىپ الۋعا قۇقىلىسىز نەمەسە سول سياقتى تاۋار بولماعان جاعدايدا، ساتۋشى تولەنگەن اقشانى قايتارىپ بەرۋگە مىندەتتى.

ال ساتۋشى تاۋاردى اۋىستىرىپ بەرۋدەن باس تارتسا نەمەسە اقشانى قايتارىپ بەرۋ بويىنشا قيىندىقتار تۋىنداپ جاستا، تۇتىنۋشىلاردىڭ قۇقىعىن قورعاۋ دەپارتامەنتىنە ارىز جازۋعا بولادى.

"زاڭ بارىمىزگە بىردەي. تەك ەسكەرە كەتەتىن جايت، ەگەر تاۋار بۇلىنگەن جاعدايدا ساتۋشى ايىرباستاۋعا دا، اقشانى قايتارماۋعا دا قۇقىلى"، - دەدى زاڭگەر.

سونىمەن قاتار زاڭعا سايكەس، كەيبىر تاۋاردى اۋىستىرۋعا جانە قايتارۋعا بولمايدى.

ول تىزىمگە:

دارىلىك زاتتار مەن مەديسينالىق بۇيىمدار؛

ءىش كيىمدەر؛

شۇلىق بۇيىمدارى؛

جانۋارلار مەن وسىمدىكتەر جاتادى.