سىرىم ءشارىپحانوۆ اباي وبلىسىنداعى ءورت اۋماعىن اۋەدەن بارلادى

اباي وبلىسىندا ەلدىمەكەندەرگە تونگەن ءقاۋىپ جويىلدى.

توتەنشە جاعدايلار مينيسترلىگى مالىمەتىنشە، اەروۆيزۋالدى بارلاۋ ناتيجەسىندە ءورت تولىق سوندىرىلگەنگە دەيىن وقشاۋلانعان ءورت وشاقتارى ورىندارىنا تۇراقتى تۇردە سۋ  توگۋ، سونداي-اق ءورتتىڭ جيەگىن توپىراقپەن جابۋ جانە تولتىرۋ جۇمىستارى جۇزەگە اسىرىلاتىن بولادى. 

ەلدىمەكەندەرگە تونگەن ءقاۋىپ جويىلدى. ءورت ۋچاسكەلەرىندە اشىق جانۋ جوق، دەپ حابارلايدى Almaty-akshamy.kz Elorda.info-عا سىلتەمە جاساپ. 

اەروۆيزۋالدى بارلاۋ جۇرگىزىلگەننەن سوڭ  مينيستر سەرىك ءشارىپحانوۆ كەڭەس وتكىزدى. تالقىلاۋ بارىسىندا  قورىتىندىسى بويىنشا قورعانىس مينيسترلىگىنىڭ ءۇش بىرلىك تەحنيكاسىنان، بەس قىزمەتكەرىنەن، ءۇش تىكۇشاقپەن جەدەل توبىنان باسقا، جەكە قۇرامىن تۇراقتى جۇمىس ورنىنا قايتارۋ تۋرالى شەشىم قابىلداندى.

تابيعي ءورت ورنىندا ودان ءارى قاراۋىلداۋ جۇمىسىن ەكولوگيا جانە تابيعي رەسۋرستار مينيسترلىگىنىڭ ورمان ءورت ستانسيالارى، تجم ءورت ءسوندىرۋ بولىمشەلەرى جانە اۋە كەمەلەرى قامتاماسىز ەتەتىن بولادى.

بۇگىن تاڭەرتەڭنەن بەرى تىكۇشاقتار 89 رەت كولەمى 249 توننا سۋ توكتى. ءورت باستالعالى بەرى بارلىعى 2 525 رەت كولەمى 7423 توننا سۋ توگىلدى.

تجم باسشىسى ءورت سوندىرۋگە قاتىسۋشىلاردى ءورتتى سوندىرۋدە كورسەتكەن ەرجۇرەكتىلىك پەن باتىرلىق،  جوعارى كاسىبيلىك ءۇشىن العىس ءبىلدىردى.

ەستەرىڭىزگە سالا كەتەيىك، كەشە ساعات 21:00-دە اۋەدەن بارلاۋ جانە جەدەل جاعدايدى باعالاۋ قورىتىندىسى بويىنشا  اباي وبلىسىنداعى سەمەي ورمانى تابيعي رەزەرۆاتىنىڭ اۋماعىنداعى تابيعي ءورتتىڭ  وقشاۋلانعانىن جاريالاندى.