10 جىلدان كەيىن ساحناعا ورالعان ءانشى سىرىم يسابايەۆ امان تاسىعانعا بەرگەن سۇحباتىندا قايرات نۇرتاسپەن اراسىندا قارىم-قاتىناسى قانداي بولعانىن اشىپ ايتتى، - دەپ حابارلايدى اqshamnews.kz ءتىلشىسى.
"ءار تىرلىكتىڭ باسى مەن اياعى بولادى. باسىندا قايرات ەكەۋىمىز باستاعاندا، ماقساتىمىز حالىققا تانىلۋ بولدى. مەنىڭ تاڭداعان ءانىم قايراتقا، قايراتتىڭ تاڭداعان ءانى ماعان ۇنادى. ءبىراق ۋاقىت وتە كەلە ەكەۋىمىزدىڭ تاڭداعان اندەرىمىز ءبىر بىرىمىزگە ۇنامايتىن كەزدەر پايدا بولا باستادى"، - دەدى ول.
ءانشىنىڭ ايتۋىنشا، العاشىندا ەكەۋىنىڭ كوزقاراسى ءبىر بولعان، كەيىن پىكىرلەر وزگەرگەن. ول كەزدە ەكەۋى دە قايراتتىڭ اناسى ءارى پروديۋسەرى گۇلزيرا ايداربەكوۆانىڭ ايتقانىن ورىنداپ جۇرگەن.
"سونىڭ ءبارى جۇيەلى تۇردە ءجۇرىپ كەلىپ، اياعىندا پىكىرلەر وزگەرە باستادى. بۇلاي جالعاسا بەرسە، اقىرى ۇرىسپەن بىتەدى. مەن ەشنارسەنى ۇرىسپەن اياقتاعىم كەلمەدى. ول كەزدە مۇنىڭ ءبارىن گۇلزيرا حانىم باسقاردى. سول نە دەسە، سونى جاسادىق"، - دەدى سىرىم يسابايەۆ.