107 مىڭ كولىك زاڭداستىرىلعان
ەل اراسىندا "كونسترۋكتور كولىك" اتالىپ كەتكەن ماشينالاردى زاڭداستىرۋعا رۇقسات بەرىلدى. ساراپشىلار بۇل شەشىم قازاقستانعا اكەلىنەتىن ەسكى كولىكتەردىڭ كوبەيۋىنە سەبەپ بولادى دەپ ەسەپتەيدى، دەپ حابارلايدى Almaty-akshamy.kz.
جىل باسىندا بۇرىنعى تىركەۋدەن شىعارىلعان جانە كەدەندىك تازارتۋدان وتكەن كولىكتەردى تىركەۋگە رۇقسات بەرىلگەن ەدى. سودان بەرى 107 مىڭ كولىك زاڭداستىرىلعان، دەپ مالىمدەدى qazaqstan.kz.
ق ر ءىىم اكىمشىلىك پوليسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اراي قۇلتۇقايەۆانىڭ سوزىنشە، ق ر اۋماعىنا كەدەندىك باقىلاۋدان وتەتىن كەزدە ونداي كولىكتەر سايمان رەتىندە، بولشەك رەتىندە راسىمدەلگەن. نەگىزىنەن بۇلار تولىققاندى كولىك قۇرالى بولىپ سانالادى.
مۇنداي كولىكتەردى تىركەۋ كۇنى 200 مىڭ تەڭگە. زاڭداستىرۋ ءۇشىن كولىك يەلەرى ىشكى ىستەر ورگاندارىنان كولىكتى تەكسەرۋ اكتىسىن الىپ، تەحنيكالىق قاراۋدىڭ دياگنوستيكالىق كارتاسىن جاساۋ قاجەت. ىشكى ىستەر مينيسترلىگى ءقازىر وسىنداي 14 مىڭ كولىك بار ەكەنىن انىقتاعان. ءبىراق، شىنىندا ودان كوپ بولۋى مۇمكىن.
اۆتوساراپشى ەدۋارد ەدوكوۆ ونداي كولىكتەردى انىقتاۋ وتە قيىن ەكەنىن ايتادى.
"ءتىپتى، ولار وزگە ەلدە قۇراستىرىلعان جوق، قازاقستانعا بولشەكتەپ كىرگىزىلدى دەگەننىڭ وزىندە ولار وسىندا قاي جەردە قۇراستىرىلعانى بەلگىسىز. مىسالى، زاۋىتتار بولشەكتەردى سىرتتان اكەلىپ، وسىندا قۇراستىرىپ، ونىڭ قاۋىپسىزدىگىنە كەپىلدىك بەرە الادى. ال، مۇنداي كولىكتەردىڭ قاۋىپسىزدىگىنە كىم جاۋاپكەرشىلىك الادى؟"، – دەيدى اۆتوساراپشى.
ەدۋارد ەدوكوۆ سوندىقتان مۇنداي كولىكتەردى زاڭداستىرۋعا تۇبەگەيلى قارسى. ويتكەنى، بۇل جەڭىلدىك سىرتتان كولىك اكەلۋشىلەردى ودان سايىن كوبەيتەدى دەپ ەسەپتپەيدى. سەبەبى، ءبىر جەڭىلدىك جاسالعانىن كورگەندەر تاعى دا ۇمىتتەنۋى مۇمكىن.