داعدارىسقا قارسى شارالار جونىندەگى جەدەل شتاب اگروونەركاسىپتىك كەشەن ماسەلەلەرىن قارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
24 ناۋرىزدا نۇر-سۇلتاندا پرەمەر-مينيستر ءاليحان سمايىلوۆتىڭ توراعالىعىمەن قازاقستان رەسپۋبليكاسى ۇكىمەتىنىڭ جانىنداعى داعدارىسقا قارسى شارالار جونىندەگى جەدەل شتابتىڭ كەزەكتى وتىرىسى ءوتتى .
وتىرىس اياسىندا جەدەل شتاب مۇشەلەرى ق ر اگروونەركاسىپتىك كەشەنى (اوك) سالاسىنىڭ ءبىرقاتار شۇعىل ءارى جۇيەلى ماسەلەلەرىن تالقىلادى، اتاپ ايتساق:
- كوكتەمگى ەگىس جۇمىستارىنا قوسىمشا قاراجات ءبولۋ؛
- اۋىل شارۋاشىلىعى ءوندىرىسى ءۇشىن قاجەتتى تاۋارلىق-ماتەريالدىق قۇندىلىقتاردى جەتكىزۋ لوگيستيكاسىنىڭ نەگىزگى پروبلەمالارى.
وتىرىستا قازىرگى سىرتقى ساياسي احۋالدىڭ الەم ەلدەرىمەن قاتار قازاقستاندا دا اۋىل شارۋاشىلىعى تاۋارلارىنىڭ، ونىڭ ىشىندە تەحنيكانىڭ، تۇقىمنىڭ، گەنەتيكالىق ماتەريالدىڭ، مينەرالدى تىڭايتقىشتاردىڭ جانە ت. ب. ونىمدەردىڭ قىمباتتاۋىنا تۇرتكى بولىپ وتىرعانى اتاپ ءوتىلدى.
پرەمەر-مينيستر ءا. سمايىلوۆتىڭ تاپسىرماسىنا سايكەس اۋىل شارۋاشىلىعى مينيسترلىگى يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ، مينەرالدى تىڭايتقىشتاردىڭ باعاسىن تومەندەتۋ بويىنشا جۇمىس جۇرگىزىپ جاتىر.
ماسەلەن، 16 ناۋرىزدان باستاپ اممياك سەليتراسىنىڭ باعاسى تونناسىنا 200 مىڭ تەڭگەدەن 160 مىڭ تەڭگەگە دەيىن تومەندەدى.