كيشينيەۆتەگى «زيمبرۋ» ستاديونىندا مولداۆا مەن قازاقستان اراسىنداعى العاشقى ماچ ءوتتى. قازاقستان قۇراماسىنىڭ تىزگىنىن ەندى عانا ۇستاعان اندرەي كارپوۆيچتىڭ دەبيۋتى ءساتتى ءوتتى، دەپ حابارلايدى اlmaty-akshamy.kz.
العاشقى تايمدا الاڭ يەلەرى شابۋىلدى شابۋىلعا ۇلاستىرىپ، يگور شاسكيحتىڭ قاقپاسىن تورۋىلداۋمەن بولدى. ءبىر ساتتە قازاقستاندىق قاقپاشى قاتەلەسىپ، مولدوۆا ەسەپتى اشۋعا جاقىن بولعان. ابىروي بولعاندا، قورعاۋشى الەكساندر ماروچكين دوپتى قاقپا سىزىعىنان الىپ شىقتى.
دەگەنمەن كوماندالار ۇزىلىسكە كەتەر تۇستا مولدوۆا العا شىقتى. يون نيكولاەسكۋ قازاقستاندىقتاردىڭ قورعانىستاعى قاتەلىگىن پايدالانىپ، گول سوقتى.
ال ەكىنشى تايمدا كارپوۆيچ شاكىرتتەرى ويىن تاعدىرىن وزگەرتىپ جىبەردى. از شابۋىلدىڭ بىرىندە قوناقتار ستاندارت ورىنداۋعا مۇمكىندىك العان. ونى قازاقستان ءساتتى پايدالاندى. 64-مينۋتتا سەرگەي مالىي باسپەن ءدال سوققى جاسادى.
79-مينۋتتا قازاقستان فۋتبولشىلارى العا شىقتى. باقتيەر زاينۋتدينوۆ سول قاناتتان سىتىلىپ ءوتىپ، قاقپا ماڭىنا قاراي پاس اسىرعان، ۆياچەسلاۆ پوسماك دوپتى ءوز قاقپاسىنا سوعىپ الدى.
وسىلايشا، قازاقستان قۇراماسى سىرت الاڭدا 2:1 ەسەبىمەن جەڭىسكە جەتتى.
ەندى 29 قاراشادا قۇرامالار «استانا ارەنادا» كەزدەسەدى. بۇل جۇپ اراسىنداعى جەڭىمپاز ۇلتتار ليگاسىنىڭ C ديۆيزيونىندا قالادى.