كاسىپكەرلەردىڭ قۇقىقتارىن قورعاۋ جونىندەگى قىزمەت شەڭبەرىندە پروكۋراتۋرا ورگاندارى بيزنەس سۋبەكتىلەرىنە جارناما سالىعىن ەسەپتەۋ كەزىندە زاڭدىلىقتىڭ جاي-كۇيىنە تالداۋ جۇرگىزدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
كاسىپكەرلەردەن بەلگىلەر ءۇشىن سىرتقى جارناما رەتىندە سالىق تولەمدەرى بارلىق جەردە الىنعانى انىقتالدى.
الايدا «جارناما تۋرالى» زاڭعا سايكەس، بەلگىگە سالىق سالىنبايدى، ويتكەنى ول سىرتقى (ۆيزۋالدى) جارناما بولىپ تابىلمايدى.
«مۇنداي تاجىريبە اكىمدىكتەردىڭ فيسكالدىق ورگاندارعا جارناما رەتىندە انىقتاي وتىرىپ، بەلگىنى پايدالاناتىن كاسىپكەرلەر تۋرالى مالىمەتتەردى ۇسىنۋى ناتيجەسىندە قالىپتاستى. مىسالى، الماتى وبلىسىندا اكىمدىك جارناما ءۇشىن سالىق تولەۋشى رەتىندە «ا.» جك تۋرالى مالىمەتتەردى جىبەرگەن كەزدە عيماراتتىڭ توبەسىندەگى دۇكەننىڭ بەلگىسى عانا الىندى. سونىمەن قاتار، قىزىلوردا وبلىسىندا بيزنەس وبەكتىلەرىندە ۇگىت ماتەريالدارىن ورنالاستىرعانى ءۇشىن 18 كاسىپكەرگە سالىقتىق تولەمدەردى نەگىزسىز ەسەپتەۋ فاكتىسى انىقتالدى، ولار دا زاڭ تالاپتارىنا سايكەس سالىق سالۋعا جاتپاعان»، - دەلىنگەن باس پروكۋراتۋرانىڭ حابارلاماسىندا.
جالپى، پروكۋرورلار 1600-دەن استام زاڭسىز سالىق الۋ فاكتىسىن انىقتادى.
بۇگىنگە پروكۋرورلىق قاداعالاۋ اكتىلەرى بويىنشا 12 لاۋازىمدى تۇلعا تارتىپتىك جاۋاپكەرشىلىككە تارتىلدى، 725 بيزنەس سۋبەكتىسىنىڭ قۇقىقتارى قورعالدى، 12 ملن تەڭگەدەن استام قاراجات كاسىپكەرلەرگە قايتارىلدى.