سىرتقى ىستەر مينيسترلىگىنىڭ رەسمي وكىلى ايبەك سمادياروۆ 3 ماۋسىمدا وتكەن بريفينگ بارىسىندا پاريجگە جازعى وليمپيادا ويىندارىنا بارۋدى جوسپارلاپ وتىرعان قازاقستاندىقتارعا ءوز ۇسىنىستارىن ايتتى، دەپ حابارلايدى اlmaty-akshamy.kz.
ق ر ءسىم رەسمي وكىلى وليمپيادانى تاماشالاۋ ءۇشىن قانشا قازاقستاندىق پاريجگە اتتانعالى وتىرعانىن ايتا المايتىنىن اتاپ ءوتتى.
"تەك، وليمپياداعا باراتىن ازاماتتارىمىزعا ۇسىنىستار ايتا الامىز. ادامدار كوپ جينالاتىن بولعاندىقتان، جەرگىلىكتى بيلىك قاۋىپسىزدىك شارالارىن مەيىلىنشە كۇشەيتەدى. ولاردىڭ تالاپتارىن مۇلتىكسىز ورىنداۋ قاجەت بولادى. ءسىز ءوزىڭىزدىڭ قاۋىپسىزدىگىڭىز تۋرالى ويلانۋىڭىز كەرەك. كەز-كەلگەن فورس-ماجور جاعدايدا دەرەۋ پاريجدەگى ەلشىلىگىمىزگە حابارلاسۋلارىڭىز كەرەك. ءبىز سىزدەرگە كومەكتەسەمىز"، – دەدى ايبەك سمادياروۆ.
پاريجدەگى جازعى وليمپيادا ويىندارى 26 شىلدە مەن 11 تامىز ارالىعىندا وتەدى. وعان الەمنىڭ 205 ەلىنەن 10 مىڭنان استام سپورتشى قاتىسادى، سونداي-اق 32 سپورت تۇرىنەن 329 مەدال جيىنتىعى ويناتىلادى.