"الماتى" اكك-نىڭ ەنشىلەس ۇيىمى، "Almaty Finance" ج ش س الماتىدا كەزەكتى شاعىن ونەركاسىپ پاركىن (ءشوپ) سالۋعا نەسيە جەلىسىن اشتى. جوبانى قارجىلاندىرۋ "Almaty Business – 2025" كاسىپكەرلىكتى دامىتۋدىڭ وڭىرلىك باعدارلاماسى شەڭبەرىندە جۇزەگە اسىرىلۋدا. نەسيە جەلىسىنىڭ سوماسى جىلدىق 6% مولشەرلەمە بويىنشا 500 ملن تەڭگەنى قۇرادى، دەپ حابارلايدى اlmaty-akshamy.kz.
جوبانى "MIRUS Company" ج ش س جۇزەگە اسىرۋدا. نەسيە جەلىسىن اشۋ كەزىندە جوباعا سالىنعان ينۆەستيسيا كولەمى 200 ملن تەڭگەگە جەتتى.
اۋدانى شامامەن 5 000 م² قۇرايتىن ءشوپ الماتى يندۋستريالىق ايماعىنىڭ اۋماعىندا 2025 جىلدىڭ قاڭتارىندا پايدا بولادى. قۇرىلىس اياقتالعاننان كەيىن شوپ-تە 5-تەن 10-عا دەيىن قازاقستاندىق كاسىپورىن ورنالاسادى، وندا 400-گە جۋىق جۇمىس ورنى اشىلادى. الاڭدار بيزنەسكە جەڭىلدەتىلگەن شارتتارمەن – م² ءۇشىن 1 350 تەڭگەگە دەيىن جالعا بەرىلەدى. سونداي-اق ولاردى م² ءۇشىن 180 000 تەڭگە باعاسىمەن كەيىننەن ساتىپ الۋعا رۇقسات بەرىلەدى.
"ءشوپ - بۇل شاعىن جانە ورتا كاسىپكەرلىك سۋبەكتىلەرىن ءوندىرىستى ىسكە قوسۋعا دايىن ورىن-جايلارمەن قامتاماسىز ەتەتىن اۋماق. قازىرگى ۋاقىتتا الماتى اۋماعىندا 30-دان استام شاعىن ونەركاسىپ پاركى جۇمىس ىستەيدى، ونىڭ 11ء-ىن "Almaty Finance" ج ش س قارجىلاندىردى. "Almaty Business – 2025" باعدارلاماسى اياسىندا مۇنداي جوبالاردى قارجىلاندىرۋ جىلدىق 6%* مولشەرلەمەسى بويىنشا جەڭىلدىكتى شارتتارمەن جۇزەگە اسىرىلادى"، - دەپ اتاپ ءوتتى "Almaty Finance" ج ش س باسقارما ءتوراعاسىنىڭ ورىنباسارى جۇلدىز يگەنوۆ.
جىلدىق ءتيىمدى سىياقى مولشەرلەمەسى جەكە ەسەپتەلەدى