ق ر سىرتقى ىستەر ءمينيسترى – ق ر پرەمەر-مينيسترىنىڭ ورىنباسارى مۇرات نۇرتىلەۋ وزبەكستان رەسپۋبليكاسىنا رەسمي ساپارمەن بارادى، دەپ حابارلايدى Almaty-akshamy.kz.
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.
«2023 جىلدىڭ 17 تامىزىندا وزبەك تاراپىنىڭ شاقىرۋى بويىنشا ق ر سىرتقى ىستەر ءمينيسترى – ق ر پرەمەر-مينيسترىنىڭ ورىنباسارى مۇرات نۇرتىلەۋ وزبەكستان رەسپۋبليكاسىنا رەسمي ساپارمەن بارادى. ساپار بارىسىندا وزبەكستان رەسپۋبليكاسىنىڭ سىرتقى ىستەر ءمينيسترى باقتيار سايدوۆپەن كەلىسسوزدەر جۇرگىزىلەدى. تاراپتار كوپجاقتى ءوزارا ءتيىمدى ىنتىماقتاستىقتى ودان ءارى نىعايتۋدىڭ جاي-كۇيى مەن پەرسپەكتيۆالارىن تالقىلاۋ، جوعارى جانە اسا جوعارى دەڭگەيلەردە قول جەتكىزىلگەن ۋاعدالاستىقتاردى ىسكە اسىرۋ بارىسىن قاراۋ، سونداي-اق وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الماسادى دەپ جوسپارلانۋدا»، - دەدى ايبەك سمادياروۆ مينيسترلىكتىڭ اپتالىق بريفينگىندە.
سونداي-اق، كەزدەسۋ قورىتىندىسى بويىنشا قازاقستان مەن وزبەكستاننىڭ سىرتقى ساياسي ۆەدومستۆولارى اراسىنداعى 2024-2025 جىلدارعا ارنالعان ىنتىماقاتستىق باعدارلاماسىنا قول قويىلادى دەپ كۇتىلۋدە.