قازاقستاندا جاستار اپتالىعى اياقتالدى

7-12 تامىز ارالىعىندا ەلىمىزدىڭ بۇكىل الاڭدارىندا «جاستارمەن بىرگە!» تاقىرىبىندا قايىرىمدىلىق، ۆولونتەرلىك جانە ەكولوگيالىق اكسيالار، بوس ورىندار جارمەڭكەلەرى، فەستيۆالدار، سەمينارلار، كونسەرتتەر جانە ت. ب. ءىس-شارالار كەشەنى وتكىزىلدى.

ءىس-شارانىڭ نەگىزگى ماقساتى – مەملەكەتتىك جاستار ساياساتى تۇجىرىمداماسىن ىسكە اسىرۋ جانە جاستار اراسىندا مەملەكەتتىك قولداۋ شارالارىن ىلگەرىلەتۋ، جاستارمەن جۇمىس پرينسيپتەرىن، تەتىكتەرىن، فورماتتارىن، سونداي-اق مەملەكەتتىك قولداۋ شارالارى تۋرالى كەڭىنەن حاباردار ەتۋ، سونداي-اق ءارتۇرلى سالالاردا جەتىستىككە جەتكەن قازاقستاندىق جاستاردىڭ كوشباسشىلىق الەۋەتىن اتاپ ءوتۋ بولىپ تابىلادى، دەپ حابارلايدى Almaty-akshamy.kz. 

جاستار اپتالىعى اياسىندا، 7-9 تامىز ارالىعىندا «جاستار ەلگە!» اتتى جوعارى رۋحاني جانە ادامگەرشىلىك قۇندىلىقتاردى، سونداي-اق جاستاردىڭ كوشباسشىلىق الەۋەتىن كورسەتۋ ماقساتىندا ءىس-شارالار كەشەنى وتكىزىلدى.

سونداي-اق، «12 يگى ءىس» اكسياسى باستالىپ، ونىڭ اياسىندا قازاقستان جاستارى يگى ىستەر جاساپ، الەۋمەتتىك جەلىلەردە ءبىرىڭعاي حەشتەگپەن ءبولىستى.

بارلىق قالالاردا، اۋدانداردا جانە اۋىلدىق ەلدى مەكەندەردە بەلسەندى جاستاردىڭ، ۆولونتەرلەردىڭ، ءوڭىردىڭ جاستار ۇيىمدارى باسشىلارىنىڭ قاتىسۋىمەن قايىرىمدىلىق اكسيالارى ۇيىمداستىرىلدى. از قامتىلعان وتباسىلارعا، جالعىزباستى قارتتارعا، مۇمكىندىگى شەكتەۋلى جاندارعا ازىق-تۇلىك، قارجىلىق كومەك كورسەتىلدى.

بۇكىل ەل بويىنشا قورشاعان ورتانى قورعاۋعا، تابيعاتقا ۇقىپتى قاراۋعا باعىتتالعان: ەكولوگيالىق اكسيالار، سەنبىلىكتەر، قوقىس جيناۋ، اعاشتاردى كۇتۋ اكسيالارى وتكىزىلدى.

سونىمەن قاتار، بارلىق قالالاردا، اۋدانداردا جانە اۋىلدىق ەلدى مەكەندەردە «Bilim»، «Sabaqtastyq»، «Saýlyq»، «Qamqor»، «Taza Álem»، «Úmit»، «Asyl mura» باعىتتارى بويىنشا ۆولونتەرلەر ءىس-شارالارى ۇيىمداستىرىلدى.

بۇعان قوسا، 9-11 تامىز ارالىعىندا «جاستار – ەل دامۋىنىڭ باستى درايۆەرى!» ءىس-شارالار كەشەنى وتكىزىلدى، ونىڭ شەڭبەرىندە 232 جاستار رەسۋرستىق ورتالىعى بازاسىندا مەملەكەتتىك قولداۋ شارالارى بويىنشا ءاقپاراتتىق-تۇسىندىرۋ جۇمىستارى جانە جاستارعا: «ديپلوممەن اۋىلعا!»، «جاستار پراكتيكاسى»، «جاس وتباسى»، «جالعا بەرىلەتىن تۇرعىن ءۇي»، «جاستارعا ارنالعان تۇرعىن ءۇي»، «جاسىل ەل»، «جاس كاسىپكەر»، «سەرپىن»، «دارىن»، «تاۋەلسىزدىك ۇرپاقتارى»، «بولاشاق»، «كاسىپكەرلىككە 2،5% جەڭىلدىكپەن كرەديت بەرۋ» جانە ت.ب. باعدارلامالار مەن جوبالار بويىنشا ارنايى كونسۋلتاسيالار وتكىزىلدى.

NEET ساناتىنداعى جۇمىسسىز جاستار ءۇشىن جوو مەن كوللەدج تۇلەكتەرىن جۇمىسقا ورنالاستىرۋعا جاردەمدەسۋ ماقساتىندا بارلىق قالالاردا، اۋدانداردا جانە اۋىلدىق ەلدى مەكەندەردە كەڭ اۋقىمدى بوس ورىندار جارمەڭكەسى ءوتتى.

وڭىردە جاستارعا ارنالعان نىسانداردى (مەكتەپتەر، كوللەدجدەر، سپورتتىق-مادەني ورتالىقتار، جاتاقحانالار جانە ت.ب.) اشىلدى، street workout بويىنشا جاستار اراسىندا جارىستار، سونداي-اق 12 شاقىرىمدىق مارافون وتكىزىلدى؛ ءتۇرلى سالالاردا ەرەكشەلەنگەن ەڭ بەلسەندى جاستار وبلىس باسشىلىعىنىڭ العىس حاتتارىمەن جانە ەستەلىك سىيلىقتارىمەن ماراپاتتالدى.

جاستار اپتالىعى شەڭبەرىندە بارلىعى 14-35 جاس ارالىعىنداعى 1،5 ملن-نان استام جاستاردىڭ قاتىسۋىمەن 1000-نان استام ءىس-شارالار ۇيىمداستىرىلدى جانە وتكىزىلدى.