«مەكتەپكە جول»: الماتىدا بالالاردى وقۋ جىلىنا دايىنداۋعا قالاي كومەكتەسەدى

الماتىدا «جالپىعا بىردەي ءبىلىم بەرۋ» قورىنان 2023 جىلى مەكتەپ فورماسى مەن كەڭسە كەرەك-جاراقتارىن ساتىپ الۋ ءۇشىن ءبىر بالاعا 43 مىڭ تەڭگە جۇمسالادى ەكەن.

الماتى قالاسى ءبىلىم باسقارماسىنىڭ اقپاراتى بويىنشا، وسى قوردان ءحاوت ساناتىنداعى (حالىقتىڭ الەۋمەتتىك وسال توپتارى) 15 مىڭنان استام وقۋشى كومەك الدى، دەپ حابارلايدى almaty-akshamy.kz

ەسكە سالساق، «جالپىعا بىردەي ءبىلىم بەرۋ» قورى جەرگىلىكتى بيۋدجەتتەن قارجىلاندىرىلادى. 

وسى قوردان كومەك الۋعا مىنا ساناتتاعىلار قۇقىلى:

1) مەملەكەتتىك اتاۋلى الەۋمەتتىك كومەك (بۇدان ءارى – ااك) الۋعا قۇقىعى بار وتباسىلاردان شىققان بالالار؛

2) جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن مەملەكەتتىك ااك المايتىن وتباسىلاردان شىققان بالالار؛

3) جەتىم جانە اتا-انانىڭ قامقورلىعىنسىز قالعان بالالار؛

4) توتەنشە جاعدايلار ناتيجەسىندە شۇعىل كومەكتى تالاپ ەتەتىن وتباسىلاردان شىققان بالالار؛

5) ءبىلىم بەرۋ ۇيىمىنىڭ القالى ورگانى ايقىندايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارى.

اتا-انا، بالانىڭ زاڭدى وكىلى ماتەريالدىق كومەك الۋ ءۇشىن egov.kz ەلەكتروندىق ۇكىمەت پورتالى ارقىلى نەمەسە حالىقتى جۇمىسپەن قامتۋ ورتالىعىنا ءوتىنىم بەرەدى. باسقا ءجاعدايلاردا-بىلىم بەرۋ ۇيىمىنا راستايتىن قۇجاتتاردى ۇسىنۋ قاجەت.

قارجىلىق جانە ماتەريالدىق كومەك الۋعا ارنالعان ءتىزىم وقۋ جىلى ىشىندە ءبىر رەت جاسالادى.

جوعارىدا اتالعان ساناتتارعا جاتپايتىن وقۋشىلار «مەكتەپكە جول» رەسپۋبليكالىق اكسياسى اياسىندا دەمەۋشىلەر مەن مەسەناتتار ەسەبىنەن كومەك الا الادى. بيىل بۇل اكسيا اعىمداعى جىلدىڭ 1 تامىزىندا «جاقسىلىق جاسا» ديەۆيىزىمەن باستالىپ، 30 قىركۇيەككە دەيىن جالعاسادى.

«مەكتەپكە جول» اكسياسىنا قاتىسۋ ءۇشىن وقۋ ورنى بويىنشا ءبىلىم بەرۋ ۇيىمىنا ءوتىنىش بەرۋ قاجەت. بۇگىنگى تاڭدا ءبىلىم بەرۋ ۇيىمدارىنا 500-گە جۋىق ءوتىنىم بەرىلدى. 

دەمەۋشىلەر، مەسەناتتار جانە بالالارعا كومەك كورسەتكىسى كەلەتىن قالانىڭ بارلىق قامقور تۇرعىندارى اۋداندىق ءبىلىم بولىمدەرىنە ساعات 9.00-دەن 18.00-گە دەيىن حابارلاسا الادى.

اكسيا تۋرالى قوسىمشا اقپاراتتى كەلەسى جەدەل جەلى تەلەفوندارى ارقىلى بىلۋگە بولادى:

 - الاتاۋ اۋدانى بويىنشا: +7 708 970 50 42

- المالى اۋدانى بويىنشا: +7 702 725 33 63

- اۋەزوۆ اۋدانى بويىنشا: +7 702 327 36 69

- بوستاندىق اۋدانى بويىنشا: +7 777 280 66 50

- جەتىسۋ اۋدانى بويىنشا: +7 708 935 94 98

- مەدەۋ اۋدانى بويىنشا: +7 700 996 56 89

-  ناۋرىزباي اۋدانى بويىنشا: +7 702 196 68 05

- تۇركسىب اۋدانى بويىنشا: + 7 701 615 49 78