قىزىلوردا كۇرىشىنە ىشكى نارىقتا دا، سىرتقى ەلدەر تاراپىنان دا سۇرانىس جوعارى.
داقىل ەۋروپانىڭ 8 ەلىنە ەكسپورتتالىپ، جىل باسىنان بەرى 16 مىڭ توننا ءونىم جونەلتىلدى. پرەمەر-مينيستردىڭ ورىنباسارى سەرىك جۇمانعارين وڭىردە وتكەن رەسپۋبليكالىق كۇرىششىلەر جارمەڭكەسىنە قاتىسىپ، كاسىپكەرلەرمەن كوشپەلى ءماجىلىس وتكىزدى، دەپ حابارلايدى Almaty-akshamy.kz.
جىل سايىن سىربويىلىق ديحاندار 80 مىڭ گەكتاردان استام القاپقا كۇرىش ەگىپ، جەردەن ىرزىق-نەسىبەسىن كورىپ كەلەدى. سونىڭ ىشىندە، ليدەر، يانتار، سىر سۇلۋى سەكىلدى كۇرىش سورتتارىنىڭ ونىمدىلىگى جوعارى. قىزىلورداداعى كۇرىششىلەر جارمەڭكەسىنە ەلىمىزدىڭ بارلىق وبلىسىنان 120 دەلەگات ارنايى كەلىپ، جەرگىلىكتى شارۋاشىلىقتارمەن دەلدالسىز تىكەلەي قارىم-قاتىناس ورناتۋعا مۇمكىندىك الدى.
ىشكى نارىقپەن قاتار ەكسپورتتىڭ دا الەۋەتىن ارتتىرۋ قاجەت. پرەمەر-مينيستردىڭ ورىنباسارى، ساۋدا جانە ينتەگراسيا ءمينيسترى سەرىك جۇمانعارين كاسىپكەرلەرمەن تىلدەسىپ، ولاردىڭ ۇسىنىس-پىكىرلەرىن تىڭدادى. سونداي-اق، ناعي ءىلياسوۆ اۋىلىنا بارىپ، كۇرىش ءوسىرىپ جاتقان شارۋالاردىڭ تىنىس-تىرشىلىگىمەن تانىستى.
«الەۋمەتتىك كاسىپكەرلىك كورپوراسيا شەڭبەرىندەگى جۇمىسىن تولىعىمەن باسقاشا جاساپ جاتىرمىز. سەبەبى، ونىڭ ماقساتى تىكەلەي قاراجاتتى شارۋالارعا، وتاندىق وندىرۋشىلەرگە جەتكىزۋ»، - دەيدى ق ر پرەمەر-مينيسترىنىڭ ورىنباسارى، ساۋدا جانە ينتەگراسيا ءمينيسترى سەرىك جۇمانعارين.
پرەمەر-مينيستردىڭ ورىنباسارى ازىق-تۇلىك باعاسىن تۇراقتاندىرۋ بويىنشا كوشپەلى ءماجىلىس وتكىزدى. جيىندا «تاۋارلاردى قاداعالاۋدىڭ ۇلتتىق جۇيەسى» پيلوتتىق جوباسى تۋرالى كەڭىنەن ايتىلدى. سونداي اق ءونىم وندىرۋشىلەرمەن ءار وڭىردەن كەلگەن اكىمدىك وكىلدەرى ءوزارا ءتيىمدى كەلىسىم-شارتقا وتىردى.