قۇربان ايت پەن استانا كۇنىندە ەلىمىزدە حقو-لار جۇمىس ىستەمەيدى

ال 1 شىلدە مامانداندىرىلعان جانە قاراپايىم قىزمەت كورسەتۋ ورتالىقتارى ءۇشىن جۇمىس كۇنى سانالادى.

قۇربان ايت پەن استانا كۇنى ەلىمىزدە حالىققا قىزمەت كورسەتۋ ورتالىقتارى (حقو) مەن مامانداندىرىلعان حقو-لار جۇمىس ىستەمەيدى، دەپ حابارلايدى Almaty-akshamy.kz.

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسپا ءسوز قىزمەتى مالىمدەدى. 

شىلدەنىڭ 7-8 كۇندەرى ازاماتتاردى ساعات 13:00-گە دەيىن تەك كەزەكشىلىك بەلگىلەنگەن حقو-لار مەن اۆتوحقو-لار قابىلدايدى.

ال 1 شىلدە مامانداندىرىلعان جانە قاراپايىم قىزمەت كورسەتۋ ورتالىقتارى ءۇشىن جۇمىس كۇنى سانالادى. بۇل كۇنى حقو-لار ازاماتتاردى 18:00-گە دەيىن، مامانداندىرىلعان حقو-لار 20:30-عا دەيىن قابىلدايدى.

ايتا كەتەيىك، قازىرگى ۋاقىتتا ەلدەگى مامانداندىرىلعان حقو-لار شەتەلدىك كولىكتەردى تىركەۋ جۇمىسىنا تارتىلىپ، كۇشەيتىلگەن رەجيمدە جۇمىس ىستەپ جاتىر. 1 شىلدەگە دەيىن ولار ازاماتتاردى جۇمىس كۇندەرى 9:00-دەن 19:00-گە دەيىن (قۇجاتتاردى بەرۋ – 20:30-عا دەيىن)، سەنبى 9:00-دەن 18:00-گە دەيىن (قۇجاتتاردى بەرۋ 19:30-عا دەيىن) قابىلداپ جاتىر.