«سىيلىققا ءتاتتى كادەسىي»

قازاقستان رەسپۋبليكاسىنىڭ تاۋەلسىزدىك كۇنى الماتى حالىقارالىق اۋەجايىندا تۋريستەردى شوكولادپەن قارسى الدى

قازاقستان رەسپۋبليكاسىنىڭ تاۋەلسىزدىك كۇنىنە وراي الماتى قالاسىنىڭ تۋريزم باسقارماسى ق ر ۇقك شەكارا قىزمەتى جانىنداعى شەكارالىق باقىلاۋ باسقارماسىمەن جانە الماتى حالىقارالىق اۋەجايىمەن بىرلەسىپ «سىيلىققا ءتاتتى كادەسىي» اكسياسىن وتكىزدى، دەپ حابارلايدى almaty-akshamy.kz

حالىقارالىق جولاۋشىلار تەرمينالىنداعى پاسپورتتىق باقىلاۋ ايماعىندا شەتەلدىك قوناقتارعا قازاقستاننىڭ مەملەكەتتىك رامىزدەرىن بەينەلەيتىن قازاقستاندىق شوكولاد ۇسىنىلدى. ءتاتتى سىيلىقپەن بىرگە قوناقتارعا جەرگىلىكتى قولونەرشى بوياعان كيىز ءۇي تۇرىندەگى ەسكەرتكىش توسبەلگىلەر سىيعا بەرىلدى.

 

وسىلايشا، تۋريستەردى «تابالدىرىقتان» باستاپ ەل ءۇشىن قانداي ەرەكشە كۇنى كەلگەندەرىمەن تانىستىرىلدى. مۇنداي ءىس-شارالار قالانىڭ بەدەلىن نىعايتۋعا جانە الماتىنى تارتىمدى تۋريستىك دەستيناسيا رەتىندە ىلگەرىلەتۋگە باعىتتالعان.

ايتا كەتەيىك، الماتى قازاقستانعا كەلگەن ءاربىر ەكىنشى شەتەلدىك ءتۋريستى تارتادى.  9 ايدىڭ قورىتىندىسى بويىنشا مەگاپوليستەگى تۋريستەر سانى 17،4% – عا ءوسىپ، 1،5 ميلليون ادامنان استى، ونىڭ ىشىندە 400 مىڭنان استامى شەتەلدىك، 1 104،6 مىڭى ىشكى تۋريستەر. 

كەلۋشىلەردىڭ ەڭ كوبى رەسەيدەن، قىتايدان، ءۇندىستاننان، تۇركيادان، اقش-تان، وڭتۇستىك كورەيادان، وزبەكستاننان، قىرعىزستاننان، گەرمانيادان كەلىپ جاتقاندارى بايقالادى.