حابارلاما پروسەدۋراسى تۋرالى ءۇشىنشى فاكۋلتاتيۆتىك حاتتاما بالا قۇقىعى تۋرالى كونۆەنسيادا جانە ونىڭ ەكى فاكۋلتاتيۆتىك حاتتامالارىندا كوزدەلگەندەي ءار بالانىڭ ءوز قۇقىعىن قورعاۋ قۇقىعىن تانيدى. ونىڭ ءبىرىنشىسى بالالاردىڭ قارۋلى قاقتىعىستارعا قاتىسۋىنا قاتىستى بولسا، ەكىنشىسى بالالاردى ساتۋ، بالالار جەزوكشەلىگى مەن بالالار پورنوگرافياسىنا قاتىستى.
بالالار مەن اتا-انالار ۇلتتىق قورعاۋ قۇرالدارىنىڭ تاۋسىلعان كۇنىنەن باستاپ ءبىر جىلدان كەشىكتىرمەي، بارلىق قولجەتىمدى ىشكى قورعاۋ قۇرالىن، ونىڭ ىشىندە ۇلتتىق دەڭگەيدە سوت ءىسىن جۇرگىزۋ ارقىلى تاۋسىلعان جاعدايدا بۇۇ كوميتەتىنە جۇگىنە الادى.
بۇل رەتتە كوميتەتكە ءوتىنىش ءانونيمدى ەمەس، سونىمەن قاتار جەتكىلىكتى تۇردە نەگىزدەلگەن جازباشا نىساندا بەرىلەدى. ەگەر ءدال سول ماسەلە كوميتەتتە قارالعان بولسا نەمەسە حالىقارالىق تەرگەۋدىڭ نەمەسە رەتتەۋدىڭ باسقا راسىمىندە قارالعان نەمەسە قارالىپ جاتقان بولسا، كوميتەت حابارلامانى جول بەرىلمەيتىن دەپ ەسەپتەيدى.
قاتىسۋشى مەملەكەت كوميتەتكە ماسەلەنى تۇسىندىرەتىن جازباشا تۇسىنىكتەمەلەر نەمەسە مالىمدەمەلەر جانە ەگەر بار بولسا، ول مۇمكىندىگىنشە قىسقا مەرزىمدە التى ايدا قامتاماسىز ەتە الاتىن قورعاۋ قۇرالدارىن بەرەدى.
زاڭ 2023 جىلعى 31 جەلتوقساندا كۇشىنە ەنەدى.