زاڭعا وزگەرىستەر ەنگىزىلەدى.
نەسيە بەرۋ كەزىندەگى تاۋەكەلدەردى ازايتۋ ءۇشىن دەپۋتاتتار كەيبىر زاڭنامالىق اكتىلەرگە وزگەرىس پەن تولىقتىرۋ ەنگىزۋدى كوزدەپ وتىر، دەپ حابارلايدى Almaty-akshamy.kz
بۇل جايلى دەپۋتات تاتيانا ساۆەليەۆا ايتىپ بەردى.
زاڭ جوباسى مىناداي وزگەرىستەردى كوزدەيدى:
كرەديتتەر بويىنشا مەرزىمى وتكەن جاعدايدا ازاماتتارعا جاڭا تۇتىنۋشىلىق كرەديتتەر بەرۋگە تىيىم سالۋ؛
90 كۇن وتكەننەن كەيىن بارلىق كرەديتتەر بويىنشا سىياقى ەسەپتەۋگە تىيىم سالۋ؛
بانكتەردىڭ جانە مقۇ-نىڭ كوللەكتورلىق اگەنتتىكتەرگە ازاماتتاردىڭ كرەديتتەرىن ساتۋىن شەكتەۋ؛
كوللەكتورلىق اگەنتتىكتەردىڭ ساتىپ الىنعان بەرەشەكتى رەتتەۋدى جۇرگىزۋ مىندەتىن ەنگىزۋ؛
نقا سايكەس، قارجى نارىعىن رەتتەۋ جانە دامىتۋ اگەنتتىگىمەن تۇتىنۋشىلىق بانكتىك قارىزدىڭ مەرزىمى، سوماسى جانە وزگە دە شارتتارى بويىنشا شەكتەۋلەر بەلگىلەۋ؛
كامەلەتكە تولماعان بالالارى بار وتباسىلاردى جىلىتۋ ماۋسىمىندا جالعىز تۇرعىن ۇيدەن شىعارۋعا تىيىم سالۋ.
بانكتەرگە ءوندىرىپ الۋ ناتيجەسىندە بانكتىڭ مەنشىگىنە وتكەن تۇرعىن ءۇيدى بۇرىنعى يەسىنە (قارىز الۋشىعا)جالعا بەرۋگە مۇمكىندىك بەرۋ؛
تولەم تالابىن قويعان كەزدە بانكتىك شوتتا كەمىندە 2 پم مولشەرىندە اقشانى ساقتاۋ؛
كرەديت الۋدان ەرىكتى تۇردە باس تارتىلعان جاعدايدا ازاماتتاردىڭ كرەديتتەرى بويىنشا بورىشتى ەسەپتەن شىعارۋ.
اسكەري قىزمەت كەزەڭىنە مەرزىمدى ساربازدار ءۇشىن سىياقىسىز كرەديتتەر بويىنشا مىندەتتى كەيىنگە قالدىرۋدى ەنگىزۋ.
بۇدان باسقا، زاڭ جوباسىندا وزگەرىستەر ەنگىزۋدى كوزدەيتىن نورمالار بار:
قىلمىستىق كودەكسى جانە اكىمشىلىك قۇقىق بۇزۋشىلىق تۋرالى كودەكسكە جەكە دەرەكتەردى ساتقانى، ابونەنتتىڭ ءنومىرىن اۋىستىرعانى جانە ابونەنتتىك ءنومىردى باسقا تۇلعالارعا زاڭسىز بەرگەنى ءۇشىن قىلمىستىق جانە اكىمشىلىك جاۋاپتىلىقتى بەلگىلەۋ كوزدەلگەن.
دەپۋتاتتار باستاماشىلىق ەتكەن زاڭ جوباسى بويىنشا ۇكىمەتتىڭ قورىتىندىسى 2023 جىلعى 12 قاراشادا الىنعان. باستامالاردىڭ كوپشىلىگى قولداۋ تاپقان، ءبىراق سونىمەن بىرگە كەيبىر تۇجىرىمدامالىق ۇستانىمدار بويىنشا، اتاپ ايتقاندا كوللەكتورلىق كومپانيالارعا قارىزداردى ساتۋعا تىيىم سالۋ بويىنشا ۇكىمەت دەپۋتاتتار كەلىسپەيتىن جانە جۇمىس توپتارىندا وسى نورمانى ەنگىزۋ جونىندەگى جۇمىستى جالعاستىراتىن بالاما ۇستانىم ۇسىنىپ وتىر.