جەمقورلىققا قارسى ۇيلەستىرىلگەن ارەكەتتەرمەن كۇرەسۋ كەرەك
«الماتى «اكك» اق جانە اۋىل شارۋاشىلىعىن سۋبسيديالاۋ قىزمەتىندەگى سىبايلاس جەمقورلىق تاۋەكەلدەرىن سىرتقى تالداۋ قورىتىندىلارى تالقىلاندى، دەپ حابارلايدى Almaty-akshamy.kz.
الماتى قالاسى اكىمىنىڭ ورىنباسارى الىشەر ءابدىقادىروۆتىڭ توراعالىعىمەن الماتى قالاسى كاسىپكەرلىك جانە ينۆەستيسيالار باسقارماسى مەن ونىڭ ۆەدومستۆولىق باعىنىستى ۇيىمدارىنىڭ قىزمەتىندە سىبايلاس جەمقورلىققا قارسى ءىس-قيمىل ماسەلەلەرى بويىنشا وتىرىس ءوتتى.
ءىس-شاراعا الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىلىعى، قالانىڭ قوعامدىق كەڭەسىنىڭ مۇشەلەرى جانە مەكەمە قىزمەتكەرلەرى قاتىستى.
وتىرىس بارىسىندا اگروونەركاسىپتىك كەشەندى سۋبسيديالاۋ سالاسىنداعى جانە «الماتى "الەۋمەتتىك-كاسىپكەرلىك كورپوراسياسى» اق سىبايلاس جەمقورلىق تاۋەكەلدەرىن سىرتقى تالداۋدىڭ قورىتىندىلارى، سونداي-اق ۇسىنىمداردىڭ ورىندالۋ بارىسى ايتىلدى.
وتىرىستى اشقان الىشەر ءابدىقادىروۆ مەملەكەتتىك قىزمەتكەرلەردى سىبايلاس جەمقورلىققا قارسى ءىس-قيمىل سالاسىنداعى جۇمىستى كۇشەيتۋگە شاقىردى.
«ءاربىر مەملەكەتتىك قىزمەتشى سىبايلاس جەمقورلىقتىڭ الدىن الۋعا باعىتتالعان ناقتى شارالاردى قابىلداۋى كەرەك. سىبايلاس جەمقورلىققا تەك ۇيلەستىرىلگەن ارەكەتتەرمەن عانا ءتيىمدى قارسى تۇرۋعا بولادى»، - دەپ حابارلادى اكىمنىڭ ورىنباسارى.
قالالىق سىبايلاس جەمقورلىققا قارسى كۇرەس ۆەدومستۆوسىنىڭ باسشىسى اسحات ورازحاننىڭ ايتۋىنشا، اتالعان ءىس-شارانىڭ ماقساتى باسقارمانىڭ الداعى قىزمەتىندە سىبايلاس جەمقورلىق تاۋەكەلدەرىن بولدىرماۋ بويىنشا الدىن الۋ شارالارىن قابىلداۋ بولىپ تابىلادى.
سونداي-اق، وتىرىستا الماتى قالاسى قوعامدىق كەڭەسىنىڭ ءتوراعاسى التىناي كوبەيەۆا كورسەتىلەتىن مەملەكەتتىك قىزمەتتەردىڭ ساپاسىنا باعالاۋ جۇرگىزۋ ءۇشىن قوعامدىق كەڭەستىڭ الەۋەتىن پايدالانۋدى ۇسىندى.
وتىرىس قورىتىندىسى بويىنشا سىبايلاس جەمقورلىق قۇقىق بۇزۋشىلىقتاردىڭ الدىن الۋ جانە جولىن كەسۋ بويىنشا ءتيىستى ۇسىنىمدار ازىرلەندى.