ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ مەملەكەتتىڭ سىبايلاس جەمقورلىققا قارسى ساياساتى قالاي جۇرگىزىلەتىنىن ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ..
نەگىزى باعىتتار – سىبايلاس جەمقورلىق تاۋەكەلدەرىن انىقتاۋ مەن جويۋ، جەمقورلىققا قارسى مادەنيەتتى نىعايتۋ، كۆازيمەملەكەتتىك سەكتوردا كومپلاەنس قىزمەتتەردى كۇشەيتۋ. مەملەكەتتىك ورگانداردىڭ ماقساتى – ولاردى بارلىق دەڭگەيدە ءتيىمدى جۇزەگە اسىرۋ، ياعني قالالار مەن اۋىلداردى دا تولىقتاي قامتۋ. ول ءۇشىن ءاربىر مەملەكەتتىك ورگاندا جوبالىق كەڭسەلەر قۇرىلعان، ولار ارقىلى قوعامدى جۇمىلدىرا وتىرىپ «ادالدىق الاڭى» قىزمەتى جالعاسادى. بۇل تۇرعىدا، ەڭ باستىسى – سەرىكتەستىك، اشىقتىق ۇستانىمىندا ءوزارا ءىس-قيمىل جاساۋ. وسى ارقىلى، بازالىق سىبايلاس جەمقورلىققا قارسى باعىتتار بويىنشا مينيسترلىكتەر مەن اكىمدىكتەردىڭ جۇمىسىن ۇيلەستىرىپ، مەملەكەتتىڭ جەمقورلىققا قارسى ساياساتىن جۇرگىزەمىز. ولاردىڭ بارشاسىنا ماقساتتى ينديكاتورلاردى دايارلادىق. وڭىرلەردە سولاردىڭ ۆەدومستۆولارىندا ارنايى تاعايىندالعان قىزمەتكەرلەر اتالعان ينديكاتورلارعا قول جەتكىزەتىن بولادى. بۇل رەتتە انتيكوررۋپسيالىق كوميسسارلار ەسكەرىلگەن. ولار قوعام وكىلدەرىمەن بىرلەسە جۇمىس ىستەيتىن بولادى»، - دەدى مارات احمەتجانوۆ.
سونىمەن قاتار اگەنتتىك باسشىسى سىبايلاس جەمقورلىققا قارسى ءىس-قيمىلدا بۇقارالىق اقپارات قۇرالدارىنا ەرەكشە ءمان بەرىلىپ وتىرعانىن ايتتى.
«باتىس ەلدەرىندە بۇقارالىق اقپارات قۇرالدارىندا جاريالانعان سىبايلاس جەمقورلىق فاكتىلەرى تۋرالى ءبىر عانا ماقالانىڭ ءوزى ءتيىستى تەكسەرۋ ءۇشىن سەبەپ بولادى. سوندىقتان جۋرناليستىك زەرتتەۋ ينستيتۋتىن ەنگىزىپ، جۋرناليستەر قۇقىقتارىن قورعاۋدىڭ زاڭنامالىق شەگى مەن كەپىلدىكتەرىن بەكىتۋ ۇسىنىلادى»، - دەدى م. احمەتجانوۆ.