شىمكەنت دەموگرافيالىق وسىمنەن كوش باستاپ تۇر

شىمكەنتتە دەموگرافيالىق ءوسىم جوعارى

ۇلتتىق ستاتيستيكانىڭ مالىمەتىنشە، دەموگرافيالىق ءوسىم جاعىنان شىمكەنت مەگاپوليستەر اراسىندا كوش باستاپ تۇر. دەموگرافيالىق ءدۇمپۋ ءبىرىنشى كەزەكتە تۋۋ كورسەتكىشىنىڭ جوعارى بولۋىنا بايلانىستى، دەپ حابارلايدى Almaty-akshamy.kz  

جىل باسىنان بەرى قالادا 305 ەگىز دۇنيەگە كەلگەن. وتكەن جىلعى كورسەتكىشپەن سالىستىرعاندا ەگىزدەر سانى 100-گە ارتىق دەيدى دارىگەرلەر. 2021 جىلى سىڭارىمەن تۋعان شاقالاقتاردىڭ باسىم بولىگى – قىز بالالار.

«بايقاساڭىزدار، ەكى نەمەسە ودان دا كوپ سىڭاردىڭ ءبىر مەزەتتە ەگىز بولىپ تۋۋى بارىسىندا جۇكتىلىك مەرزىمى قىسقا، سابيلەردىڭ سالماقتارى قالىپتى جاعدايدان جەڭىلىرەك بولادى. سوندىقتان بولار، ەگىزدەردىڭ كوبىسى – شالابايلار. شالا تۋعان ءسابيدى پەرزەنتحانادان بىردەن شىعارمايمىز. تۋعان كۇننەن باستاپ ءبىر ايعا دەيىن كۇتىم جاسايمىز. وسى ۋاقىت ارالىعىندا اناسى مەن ءسابيدىڭ دەنساۋلىعىندا ەشقانداي كىنارات بولماسا، ۇيگە شىعۋعا رۇقسات ەتەمىز»، - دەيدى شىمكەنت قالالىق پەريناتالدىق ورتالىقتىڭ دارىگەرى جانات ۇسەنبايەۆا.

شىمكەنتتە جىل باسىنان بەرى 29 105 ءسابي دۇنيە ەسىگىن اشقان. بيىل تۋعان شاقالاقتىڭ 14 105ء-سى – قىز بالا، 15 000-ى – ۇل بالا. ال ۇشەمدەردىڭ سانى بەسەۋگە جەتتى.