سونىمەن قاتار ولاردىڭ ەڭبەك قاتىناستارى سالاسىنداعى قۇقىقتارىن قورعاۋ ماسەلەسى قاراستىرىلادى.
بۇل تۋرالى ءماجىلىستىڭ جالپى وتىرىسىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ ءمالىم ەتتى، دەپ حابارلايدى Almaty-akshamy.kz ءىnbusiness.kz سايتىنا سىلتەمە جاساپ.
«كەلەسى ماسەلە – جەمقورلىق فاكتىلەرى تۋرالى حابارلاعان ازاماتتاردى قورعاۋ جۇيەسىن جەتىلدىرۋ. بۇگىنگى تاڭدا مەملەكەتتىك قورعاۋ تەتىكتەرى تەك قىلمىستىق پروسەسكە قاتىساتىن ادامدارعا عانا كوزدەلگەن. ال جەمقورلىق تۋرالى حابارلايتىن ادامدار قىلمىستىق پروسەسپەن قامتىلماۋى مۇمكىن. وعان قوسا، قورعاۋ شاراسى تەك زورلىق-زومبىلىق نەمەسە كۇش قولدانۋ ءقاۋپى بولعان كەزدە عانا قولدانىلادى. مىسالى، زاڭنامادا مۇنداي تۇلعالاردىڭ ەڭبەك قۇقىقتارىن قورعاۋ شارالارى قارالماعان. ياعني، جۇمىس بارىسىندا قۋدالانۋ تاۋەكەلى بار»، – دەدى مارات احمەتجانوۆ ءتيىستى زاڭ جوباسىن تالقىلاۋ بارىسىندا.
بۇل رەتتە ول حابارلاۋشىلاردىڭ ەڭبەك قاتىناستارى سالاسىنداعى قۇقىقتارىن قورعاۋ ماسەلەسى نازارعا الىناتىنىن اتاپ ءوتتى.
«ولارعا قاتىستى تارتىپتىك شارا قولدانۋ ماسەلەسىن القا وتىرىسىمەن قاراۋ مۇمكىندىگىن بەلگىلەۋ. بۇل رەتتە، مۇنداي شەشىم ءادىل جانە اشىق بولۋ ءۇشىن مىندەتتى تۇردە وتىرىسقا اگەنتتىكتىڭ وكىلى شاقىرىلادى. سونىمەن قاتار جەمقورلىق تۋرالى حابارلاعان ادام جونىندەگى مالىمەتتى قۇپيا رەتىندە ساقتاۋ، ال ونى جاريا ەتكەنى ءۇشىن قىلمىستىق جاۋاپكەرشىلىكتى قاراستىرۋ قاجەت. اتالعان شارالار جەمقورلىق فاكتىسىن اشكەرەلەۋشى ادامنىڭ قۇقىقتارىن قورعاۋعا كەپىلدىك بەرەدى»، – دەدى سپيكەر.