قازاقستان حالقى اسسامبلەياسىمەن قويان-قولتىق جۇمىس جاساپ جۇرگەن مەدياتورلار قاۋىمداستىعى ءۇشىن جولداۋدىڭ ماڭىزى زور.
پرەزيدەنتىمىز ءوزىنىڭ جولداۋىندا كوپ جاعدايدا داۋلى ماسەلەلەردى شەشۋگە مۇمكىندىك بەرەتىن حالىقپەن ءتيىمدى كەرى بايلانىس ورناتۋ، قوعامدىق ديالوگ، اشىقتىق، ادامداردىڭ مۇڭ-مۇقتاجىنا جەدەل نازار اۋدارۋ مەملەكەتتىك ورگاندار قىزمەتىنىڭ نەگىزگى باسىمدىقتارى بولۋى قاجەت ەكەندىگىنە نازار اۋداردى.
سونىمەن قاتار، قازاقستان حالقى اسسامبلەياسىنىڭ باستى باعىتتارىنىڭ ءبىرى بولىپ سانالاتىن قوعامدىق كەلىسىمدى نىعايتۋ ماسەلەسى دە جولداۋدىڭ نازارىنان تىس قالمادى.
وسى ورايدا، بۇكىل قوعامنىڭ بىرلەسكەن ەڭبەگىنىڭ ناتيجەسىنە اينالعان ۇلتارالىق كەلىسىمدى، الۋان تۇرلىلىگىمەن ەرەكشەلەنەتىن عاسىرلار بويى قالىپتاسقان بىرلىگىمىزدى نى- عايتۋ ماسەلەسىنىڭ، ۇلتارالىق قاتىناس تىلىنە اينالۋعا ءتيىستى مەملەكەتتىك ءتىلىمىزدىڭ ءرولىنىڭ جولداۋ نەگىزدەرىنىڭ ءبىرى بولۋىنىڭ ماعىناسى زور دەپ ويلايمىن.
سوت شەشىمدەرىنىڭ ساپاسىن ارتتىرۋ ماسەلەسىندە اتقارىلۋعا ءتيىستى ماڭىزدى شارالارعا باسىمدىق بەرىپ، سوتتاردا شەشىلەتىن داۋلاردى شەشۋدىڭ بالاما تاسىلدەرىن قولدانۋعا ءمان بەرۋى ەلىمىزدىڭ مەدياتورلار قاۋىمداستىعىنىڭ ورتاسىندا تىڭ سەرپىلىسكە، زور قولداۋعا يە بولدى دەپ ويلايمىن. قولدانىسقا ەنگەنىنە 10 جىلداي ۋاقىت بولعاندىعىنا قاراماستان، مەملەكەتتىك ورگانداردىڭ وكىلدەرى تاراپىنان ءتيىستى كوڭىل بولىنبەي كەلە جاتقان وسى ءتۇيىندى ماسەلە ەندى شەشىمىن تاباتىنىنا كۇمان جوق.
قۇقىق قورعاۋ جۇيەسىن تولىق رەفورمالاۋمەن قاتار، قوعام يگىلىگىنە جۇمىس جاساپ جۇرگەن قايراتكەرلەردىڭ نازارىنان تىس قالمايتىن وتباسى جانە بالا قۇقىعىن قورعاۋ، تۇرمىستىق زورلىق-زومبىلىققا قارسى ءىس-قيمىل ماسەلەسى، جاسوسپىرىمدەر اراسىندا كوبەيىپ كەتكەن سۋيسيد ماسەلەسىمەن ماقساتتى تۇردە اينالىسۋ جايىنداعى باسىم باعىتتار كەز كەلگەن اتا-انانىڭ كوڭىلىنەن شىقتى دەپ ويلايمىن.
جولداۋدا ازاماتتاردىڭ، اسىرەسە، جاستاردىڭ، ستۋدەنتتەر مەن وقۋشىلاردىڭ ۆولونتەرلىك قىزمەتكە قاتىسۋ اياسىن كەڭەيتۋ، ولاردىڭ بويىندا بەلسەندى ومىرلىك ۇستانىمدارعا قاتىستى داعدى قالىپتاستىرۋ جايىنداعى بولىگى دە ەل ىشىندە يگى ىستەر جاساۋمەن قاناعات تاۋىپ جۇرگەن ەرىكتىلەردىڭ شابىتىن ارتتىرارى ءسوزسىز.
سونداي-اق، پرەزيدەنتىمىزدىڭ ۇكىمەتكە ەلىمىزدىڭ زەينەتاقى جۇيەسىن دامىتۋ ماسەلەسىن قامتي وتىرىپ، جۇمىس ىستەيتىن ازاماتتار وزدەرىنىڭ زەينەتاقى جيناعىنىڭ ءبىر بولىگىن بەلگىلى ءبىر ماقساتقا، سونىڭ ىشىندە باسپانا ساتىپ الۋعا نەمەسە ءبىلىم الۋ ءۇشىن پايدالانۋ ماسەلەسىن جىل سوڭىنا دەيىن پىسىقتاۋ تۋرالى تاپسىرما بەرۋى كوڭىل قۇپتارلىق.
مەملەكەت باسشىسى جولداۋىنىڭ ورىندالۋىنا قاتىستى جۇرەگى ەلىم دەپ سوققان ءار ازاماتقا زور سەنىم ارتا وتىرىپ، تاتۋلىق پەن تۇراقتىلىقتى نەگىزگە الىپ، اينىماس قاعيدا- مىزعا اينالعان اسىل قاسيەتتەرىمىزدەن اينىماي، ورتاق شاڭىراعىمىز – قازاقستاندى وركەندەتۋگە ۇلەس قوسۋعا شاقىردى جانە ءتيىستى قولداۋ تاباتىنى حاق. بۇل جولداۋ مەرەيلى مەكەنىمىز – قازاق ستان مەملەكەتىن بيىك بەلەستەرگە جەتەلەيدى دەپ سەنەمىن.