يوردانيانىڭ اممان قالاسىندا ءوتىپ جاتقان ازيا چەمپيوناتىندا بۇگىن قازاقستاندىق التى بوكسشى ب ا ق سىنايدى، دەپ حابارلايدى Almaty-akshamy.kz Inform.kz-كە سىلتەمە جاساپ.
جارىستىڭ بەسىنشى كۇنى رينگكە قازاقستاندىق بوكسشى قىزدار شىعادى.
جاستار اراسىندا الەم چەمپيوناتىنىڭ كۇمىس جۇلدەگەرى جازيرا وراقبايەۆا 52 كەلىگە دەيىنگى سالماقتا وڭتۇستىككورەيالىق كيم چاە ۆونمەن جۇدىرىقتاسادى.
ازيا ويىندارىنىڭ كۇمىس، الەم چەمپيوناتىنىڭ قولا جۇلدەگەرى جاينا شەكەربەكوۆانىڭ (54 كگ) قارسىلاسى – جاپونيالىق حانا ناريتا.
الەم چەمپيوناتىنىڭ قولا جۇلدەگەرى كارينا يبراگيموۆا 57 كەلىگە دەيىنگى سالماقتا تاعى ءبىر وڭتۇستىككورەيالىق يم اە دجيدەن وتۋگە تىرىسىپ كورەدى.
قازاقستان چەمپيونى ايدا ابىكەيەۆا 63 كەلىگە دەيىنگى سالماقتا جاپونيالىق ماي كيتومەن قولعاپ تۇيىستىرەدى.
ازيا چەمپيونى، ريو وليمپياداسىنىڭ قولا جۇلدەگەرى داريعا شاكىموۆا 70 كەلىگە دەيىنگى سالماقتا ءۇندىستاندىق پوودجامەن شىعادى.
الەم جانە ازيا چەمپيونى ۆالەنتينا حالزوۆانىڭ دا (75 كگ) قارسىلاسى – ءۇندىستاندىق لوۆلينا بورگوحاين.
كۇندىزگى سەسسيا استانا ۋاقىتىمەن ساعات 16.00-دە، كەشكى سەسسيا 21.00-دە باستالادى.
وسى چەمپيوناتتا قازاقستاندىق ءۇش بوكسشى ءمادينا نۇرشايەۆا (66 كگ)، گۇلسايا ەرجان (81 كگ) جانە ءلاززات كۇنگەيبايەۆا (+81 كگ) دودانى جارتىلاي فينالدان باستايدى. ولاردىڭ قورجىنىندا كەمىندە قولا جۇلدە بار.
سۋرەت: Sportx.kz