«Super Bol!» الەۋمەتتىك-فۋتبول جوباسىنىڭ ويىنشىلارى 7 تامىز كۇنى الماتىنىڭ ورتالىق ستاديونىندا قازاقستاننىڭ 2006-2008 جىلدارداعى قۇرامىنا قارسى ويىنعا شىعادى.
ماچتىڭ ارنايى قوناقتارى رەتىندە نيدەرلاندىق مامان ارنو پايپەرس، سونىمەن قاتار مادريدتىك «رەال» مەن ميلاندىق «ينتەردىڭ» ەكس-ويىنشىسى ەستەبان كامبياسسو كەلەدى، دەپ حابارلايدى Almaty-akshamy.kz.
ءقازىر «Super Bol!» تالعارداعى ۇلتتىق قۇراما بازاسىندا دايىندىقتان وتۋدە. اپتا سايىن ولار باقىلاۋ ماچتارىن وينايدى، ءبىراق ولار ءۇشىن ناعىز ەمتيحان الاڭداعى بالالىق شاقتا وزدەرى ەلىكتەگەن قازاقستان قۇراماسىنداعى اڭىزعا اينالعان ويىنشىلار بولادى.
قازاقستاننىڭ اڭىزدار قۇراماسىندا الاڭعا سامات سماقوۆ، داۆيد لوريا، نۇربول جۇماسقالييەۆ، اندرەي كارپوۆيچ، اعايىندى ازوۆسكييلەر، فارحادبەك يريسمەتوۆ، دميتريي بياكوۆ، الەكساندر كۋچما، ماكسيم جالماگامبەتوۆ، قايرات اشىربەكوۆ، دانيار مۇقانوۆ، سەرگەي بويچەنكو، يۋريي نوۆيكوۆ، يگور سولوشەنكو، رۋسلان بالتييەۆ، ەدۋارد سەرگيەنكو، جانە دە ۇلتتىق قۇرامانىڭ 2006-2008 جىلعى شاقىرىلىمداعى باسقا دا ويىنشىلار شىعادى.
جاتتىقتىرۋشىلار ورىندىعىندا ارداگەرلەردىڭ ويىنىنا ارنو پايپەرس باسشىلىق جاسايدى. قازاقستان قۇراماسىنىڭ جۇلدىزدارى ءۇشىن مادريدتىك «رەال» مەن ميلاندىق «ينتەردىڭ» ەكس-ويىنشىسى ەستەبان كامبياسسو وينايتىن بولادى.
ماچتى تەك وڭتۇستىك استانانىڭ باستى فۋتبول ارەناسىنا كەلگەن جانكۇيەرلەر عانا ەمەس، سونىمەن قاتار كورەرمەندەر دە تاماشالاي الادى. فۋتبول ماچى Qazsport تەلەارناسىندا تىكەلەي ەفيردە كورسەتىلەدى.
ماچتىڭ تاعى ءبىر ەرەكشەلىگى - ونىڭ الەۋمەتتىلىگىندە. بيلەتتەردەن تۇسكەن قارجى قايىرىلىمدىلىققا جۇمسالادى.
سونىمەن، 7 تامىز. الماتىنىڭ ورتالىق ستاديونى. 20:00. بيلەتتەر ticketon.kz سايتىندا ساتىلادى.
ب ا ق وكىلدەرىن اككرەديتتەۋ بويىنشا ءوتىنىش - aidynkozhakhmet@gmail.com سايتىندا قابىلدانادى.
«Super Bol!» جوباسىنىڭ سەرىكتەستەرى
Freedom Broker – 12 ەلدە قىزمەت جاسايتىن حالىقارالىق دەڭگەيلى جۇيە قۇرۋشى ينۆەستيسيالىق كومپانيا. كومپانيانىڭ قىزمەتتەرى قازاقستان، اقش، گەرمانيا، ۇلىبريتانيا، ۋكراينا، قىرعىزستان، وزبەكستان، ءازىربايجان، كيپر، فرانسيا مەن يسپانيادا ۇسىنىلعان.
كومپانيا Freedom Holding Corp حالىقارالىق ينۆەستيسيالىق توپتىڭ مۇشەسى. توپتىڭ جەكە كاپيتالى $508 000 000-دان اسادى.
DARA – ق ر پرەزيدەنتى جانىنداعى دارىندىلاردى قولداۋ قورى. قوردىڭ ماقساتى - بۇكىل قازاقستاننان دارىنداردى تاۋىپ، ولاردىڭ الەمدىك دەڭگەيدە ونەر كورسەتۋىنە مۇمكىندىك بەرۋ.