وڭىرلەردىڭ دامۋ كورسەتكىشى ارتىپ كەلەدى

وتكەن جىلى «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىنا 1،4 ترلن تەڭگە جۇمسالعان.

جوبانىڭ  2021 جىلعا ارنالعان ءىس-شارالارىنا جالپى 1،5 ترلن تەڭگە بولىنگەن بولاتىن. ونىڭ 93 پروسەنتى يگەرىلدى، دەپ حابارلايدى Almaty-akshamy.kz. Qazaqtv.com سايتىنا سىلتەمە جاساپ.

بۇل تۋرالى ۇكىمەت وتىرىسىندا ەلىمىزدىڭ ۇلتتىق ەكونوميكا ءمينيسترلى حابارلادى. الىبەك قۋانتىروۆ ءمالىم ەتكەندەي، جوبا ەكى باعىت بويىنشا جۇزەگە اسىرىلىپ جاتىر.

ونىڭ ءبىرىنشىسى – «بازالىق قىزمەتتەرگە تەڭ قولجەتىمدىلىك» جانە ەكىنشىسى – «كولىك بايلانىسىن قامتاماسىز ەتۋ»، وندا 4 مىندەت، 20 كورسەتكىش جانە 96 ءىس–شارا ايقىندالعان.

«قۋاتتى وڭىرلەر – ەل دامۋىنىڭ درايۆەرى» اتتى ۇلتتىق جوبا وڭىرلەر اراسىنداعى ايىرماشىلىقتى قىسقارتۋ ءۇشىن ىسكە قوسىلعان.

«ۇلتتىق جوبانى 2021 جىلى ىسكە اسىرۋ مىناداي ناتيجەلەرگە قول جەتكىزۋگە مۇمكىندىك بەردى. تۇرعىنداردى اۋىز سۋمەن قامتاماسىز ەتۋ كورسەتكىشى 90%ء-تى قۇرادى، مونو- جانە شاعىن قالالاردا ينجەنەرلىك جانە كولىك ينفراقۇرىلىمىنىڭ توزۋى 57،6%-تەن 45،5%-كە دەيىن تومەندەدى، 17،1 ملن. شارشى مەتر تۇرعىن ءۇي پايدالانۋعا بەرىلدى، نورماتيۆتىك كۇيدەگى رەسپۋبليكالىق ماڭىزى بار جولداردىڭ ۇلەسى 90%-كە دەيىن ، ال جەرگىلىكتى ماڭىزى بار جولداردىڭ ۇلەسى – 80%-كە دەيىن ءوستى.112 مىڭعا جۋىق تۇراقتى جانە ۋاقىتشا جۇمىس ورىندارى قۇرىلدى»، - دەدى ق ر ۇلتتىق ەكونوميكا ءمينيتسرى ءا. قۋانتىروۆ.

اتالعان جوباعا 2022 جىلى 1،8 ترلن تەڭگە، ونىڭ ىشىندە بيۋدجەتتەن تىس – 709 ملرد تەڭگە قاراستىرىلعان. بيىلعى جىلدىڭ 1 تامىزىنداعى كورسەتكىش بويىنشا 528 ملرد تەڭگە يگەرىلىپ ۇلگەرگەن.