سۋمەن جابدىقتاۋدىڭ جاڭا جەلىلەرى الماتىنىڭ الاتاۋ جانە جەتىسۋ اۋداندارىنىڭ ءومىر ءسۇرۋ ساپاسىن جاقسارتادى

الاتاۋ اۋدانىندا 88،9 كم سۋمەن جابدىقتاۋ جەلىلەرى سالىنادى.

مەگاپوليس اكىمى باقىتجان ساعىنتايەۆ «الماتى» تا-داعى ونلاين-پرەزەنتاسيا كەزىندە الاتاۋ اۋدانىنىڭ جاڭا شاعىناۋداندارىنداعى ينجەنەرلىك كوممۋنيكاسيالار قۇرىلىسىنىڭ قارقىنى تۋرالى ايتتى، دەپ حابارلايدى Almaty-akshamy.kz.

الاتاۋ اۋدانىندا 88،9 كم سۋمەن جابدىقتاۋ جەلىلەرى (ايگەرىم 1-2، العاباس، بورالداي، قاراسۋ، تەرەكتى، شاڭىراق-1 شاعىن اۋداندارى) سالىنادى.

73،7 كم سۋ بۇرۋ جەلىلەرى (ايگەرىم 1-2، العاباس، بورالداي، قاراسۋ، وجەت، تەرەكتى، شاڭىراق-1، شاپاعات شاعىن اۋداندارى) سالىنادى.

وتكەن جىلى «شاپاعات»، «وجەت»، «سامعاۋ» (شىعىس بولىگى)، «اقبۇلاق» شاعىن اۋداندارىندا 70،5 كم سۋ قۇبىرى جانە 53،9 كم سۋ بۇرۋ جەلىلەرى سالىندى. 18،6 مىڭ ادام تۇراتىن 4345 ءۇي جاڭا جەلىلەرگە قوسىلدى.

اعىمداعى جىلى قاراسۋ، العاباس، بورالداي، شاڭىراق-1، ۇلجان-1، ايگەرىم شاعىن اۋداندارىندا 83،4 كم سۋ قۇبىرى جانە 70،2 كم سۋ بۇرۋ جەلىلەرىنىڭ قۇرىلىسى جوسپارلانعان.

سونىمەن بىرگە، جەتىسۋ اۋدانىندا بيىل 30،9 مىڭ ادام سۋمەن جابدىقتاۋدىڭ جاڭا جەلىلەرىنە قوسىلادى. ولار 9 688 ۇيدە تۇرادى. 2022-2023 جج. كەمەل شاعىناۋدانىنداعى 6300 ۇيدە تۇراتىن تاعى 22،8 مىڭ تۇرعىن سۋمەن جابدىقتاۋعا قوسىلادى.

وتكەن جىلى رايىمبەك داڭعىلىنىڭ سولتۇستىگىنە، كازاكوۆ كوشەسىنىڭ باتىسىنا قاراي - برودسكيي، رىسقۇلوۆ داڭعىلىنىڭ وڭتۇستىگىنە، سوكپاقبايەۆ كوشەسىنىڭ شىعىسىنا قاراي 23،1 كم سۋمەن جابدىقتاۋ جانە 10،1 كم كارىز جەلىلەرى سالىندى.

كەمەل شاعىناۋدانىندا (باتىس جاعى) ۇزىندىعى 78،85 كم بولاتىن جەلىلەردى سالۋدىڭ جسق جاسالدى، ونىڭ 60،4 كم سۋمەن جابدىقتاۋدىڭ جانە 18،4 كم كارىز جەلىلەرى.

تىكەلەي ەفيردى مىنا جەردەن كورۋگە بولادى.