باستى پروبلەما – سۋمەن قامتۋ كوزدەرىنىڭ تاپشىلىعى.
مەگاپوليس اكىمى باقىتجان ساعىنتايەۆ «الماتى» تا-داعى ونلاين-پرەزەنتاسيا كەزىندە تۇركسىب، مەدەۋ جانە بوستاندىق اۋداندارىنىڭ جاڭا شاعىناۋداندارىنداعى ينجەنەرلىك كوممۋنيكاسيالار قۇرىلىستارىنىڭ قارقىنى تۋرالى ايتتى، دەپ حابارلايدى Almaty-akshamy.kz.
تۇركسىب اۋدانىندا 245،6 مىڭ ادام تۇرادى. سۋمەن جابدىقتاۋ جانە سۋ بۇرۋ جەلىلەرىنىڭ ۇزىندىعى 772 كم قۇرايدى، ونىڭ ىشىندە سۋمەن جابدىقتاۋ جەلىلەرى - 534،9 كم، كارىز جەلىسى - 237 كم. بيىلعى جىلى ءۇش شاعىناۋداننىڭ 12 مىڭ تۇرعىنى (2814 ءۇي) - المەرەك، قايرات، نۇرشاشقان - جاڭا سۋمەن قامتۋ جەلىلەرىنە قوسىلادى.
مەدەۋ اۋدانىندا 220،6 مىڭ ادامدى تۇرادى. اۋداندا 841،7 كم سۋمەن جابدىقتاۋ جانە سۋ بۇرۋ جەلىلەرى بار، ونىڭ ىشىندە سۋمەن جابدىقتاۋ جەلىلەرى - 616،3 كم، كارىز جەلىلەرى - 225،4 كم. اۋدان تۇرعىندارىنىڭ 98،3% ورتالىقتاندىرىلعان سۋمەن قامتاماسىز ەتىلگەن.
بيىلعى جىلى دۋمان، كولساي شاعىن اۋداندارىنىڭ 5 مىڭ تۇرعىنى (1448 ءۇي) سۋمەن جابدىقتاۋدىڭ جاڭا جەلىلەرىنە قوسىلادى. 2022-2023 جىلدارى كولساي جانە تاستى قىرات شاعىن اۋداندارىنىڭ تاعى 5،5 مىڭ تۇرعىنى (1429 ءۇي) جەلىگە قوسىلادى.
بيىلعى جىلى دۋمان جانە كولساي شاعىناۋداندارىنىڭ 6،2 مىڭ تۇرعىندارىن (1698 ءۇي) سۋدان بۇرۋدىڭ جاڭا جەلىلەرىنە قوسۋ جوسپارلانعان. 2022-2023 جىلدارى تاستى قىرات شاعىناۋدانىنىڭ تاعى 4،3 مىڭ تۇرعىنى (1 179 ءۇي) سۋدان بۇرۋ جەلىسىنە قوسىلادى.
بوستاندىق اۋدانىندا 360 مىڭ ادام تۇرادى، ونىڭ ىشىندە 347،6 مىڭ تۇرعىن نەمەسە 96،6% ورتالىقتاندىرىلعان سۋمەن جابدىقتالعان. قالاعا قوسىلعان شاعىن اۋداندارداعى باستى پروبلەما – سۋمەن قامتۋ كوزدەرىنىڭ تاپشىلىعى.
قازىرگى كەزدە تاۋلىكتىك سىيىمدىلىعى 9 مىڭ تەكشە مەتر بولاتىن «ەرمەنساي» سۋ جينايتىن نىساننىڭ جوباسى ساراپتامادان وتۋدە. بۇل جوبا ەرمەنساي، نۇرلىتاۋ، نۇرالاتاۋ، رەميزوۆكا شاعىن اۋداندارىنىڭ 22 مىڭ تۇرعىندارىن سۋمەن قامتاماسىز ەتەتىن بولادى. نۇرلىتاۋ، حان ءتاڭىرى شاعىناۋداندارى مەن دۋلاتي كوشەسىنىڭ بويىنا ۇزىندىعى 97 كم بولاتىن ينجەنەرلىك جەلىلەردى سالۋ جوباسى جاسالۋدا.
تىكەلەي ەفيردى مىنا جەردەن كورۋگە بولادى.