الماتىداعى ورتالىق ستاديوندا «قايرات» سەربيالىق «سرۆەنا زۆەزدامەن» وينادى.
21 شىلدەدە الماتىلىق «قايرات» چەمپيوندار ليگاسى ىرىكتەۋىنىڭ ەكىنشى تۋرى اياسىندا ءوز الاڭىندا سەربيالىق «سرۆەنا زۆەزدامەن» ويناپ، جەڭىسكە جەتتى، دەپ حابارلايدى Almaty-akshamy.kz.
قازاقستاندىق فۋتبولشىلار سەربيالىق ارىپتەستەرىن 2:1 ەسەبىمەن جەڭدى.
«جەڭىس! «سرۆەنا زۆەزداعا» قارسى العاشقى ويىن ءبىزدىڭ پايدامىزعا اياقتالدى!»، دەپ حابارلادى الەۋمەتتىك جەلىلەردە جەڭىسكە جەتكەن قازاقستاندىق كوماندا.
الماتىلىق كوماندا ءبىرىنشى ىرىكتەۋ ساتىسىندا ءيزرايلدىڭ «ماككابي» (حايفا) كومانداسىن (2:0، 1:1) ورتا جولدا قالدىرىپ كەتتى.
ال «سرۆەنا زۆەزدا» ەكىنشى ىرىكتەۋ ساتىسىنا جولداما العان.
سەربيالىق كلۋب 1945 جىلدىڭ 4 ناۋرىزىندا قۇرىلعان. سەربيانىڭ 8 مارتە چەمپيونى اتانعان. سونداي-اق، 7 مارتە كۇمىس، 1 مارتە قولا جۇلدەگەر اتاندى. كەيىنگى ءتورت جىلدا قاتارىنان چەمپيون اتاعىنا قول جەتكىزىپ كەلەدى.