سۇيىلتىلعان گاز باعاسىنىڭ كۇرت ءوسۋىن شەكتەيتىن ءىس-شارالار قابىلدانادى
ەنەرگەتيكا ءمينيسترى بولات اقشولاقوۆ سۇيىلتىلعان گاز باعاسىنىڭ كۇرت ءوسۋىن شەكتەيتىن كەشەندى ءىس-شارالار ەنگىزىلەتىنىن ايتتى، دەپ حابارلايدى Almaty-akshamy.kz
«قىسقا مەرزىمدى ءىس-شارالار رەتىندە وسى جىلعى قاڭتار ايىنىڭ سوڭىنا دەيىن ۇكىمەتكە سۇيىلتىلعان مۇناي گازى باعاسىنىڭ كۇرت ءوسۋىن شەكتەيتىن اشىقتىق قاعيداتتارى مەن تەتىكتەردى ەنگىزۋدى ەسكەرە وتىرىپ، ەلەكتروندىق ساۋدا الاڭى/تاۋار بيرجالارى ارقىلى سۇيىتىلعان گاز ساۋدا-ساتتىعىن ودان ءارى جەتىلدىرۋ جونىندە كەشەندى ءىس-شارالار ەنگىزىلەتىن بولادى. ۇكىمەتپەن كەلىسىلگەننەن كەيىن بۇل ءىس-شارالار نورماتيۆتىك قۇقىقتىق اكتىلەرگە تۇزەتۋلەر ەنگىزۋ تۇرىندە رەسىمدەلەدى»، - دەدى مينيستر ۇكىمەت وتىرىسىندا.