قاي ءوڭىردىڭ ەكپە الۋ دەڭگەيى تومەن؟

بۇل سۇراققا بۇگىن ق ر دەنساۋلىق ساقتاۋ ءمينيسترى جاۋاپ بەردى.

ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ۆاكسيناسيالاۋ دەڭگەيى تومەن وڭىرلەردى اتادى، دەپ حابارلايدى Almaty-akshamy.kz

«ەلىمىزدە حالىقتى ۆاكسينالاۋ جالعاسۋدا. بۇگىنگى كۇنى 1ء-شى كومپونەنتپەن 9،5 ملن استام ادام ەگىلدى. ەگىلۋگە ءتيىستى ەرەسەك تۇرعىنداردىڭ 79،6 پايىزدى قامتىلدى. ەكىنشى كومپونەنتپەن 8،8 ملن استام ادام ەگىلدى. ەگىلۋگە ءتيىستى ەرەسەك تۇرعىنداردىڭ 75،8 پايىزىن قۇرادى. بارلىق حالىق سانىنىڭ ىشىندە ءبىرىنشى كومپونەنتپەن قامتۋ 50، ەكىنشى كومپونەنتپەن قامتۋ 46،5 پايىزدى قۇرادى»، - دەدى ميينستر. سونىمەن قاتار ول ەگىلۋگە ءتيىستى حالىقتى ۆاكسينامەن قامتۋ وڭىرلەر بويىنشا ءار ءتۇرلى دەڭگەيدە ەكەندىگىن اتاپ ءوتتى. «ەلىمىزدىڭ ءۇش وڭىرىندە – شقو، جامبىل، تۇركىستان وبلىستارىندا ەگىلۋگە ءتيىستى حالىقتىڭ 100 پايىزدان استامى ءبىرىنشى كومپونەنتپەن قامتىلعان. ەلىمىزدىڭ ءتورت وڭىرىندە - شىمكەنت، الماتى قالالارىندا، قىزىلوردا وبلىسىندا، سولتۇستىك قازاقستان جانە الماتى وبلىستارىندا ەگىلۋگە ءتيىستى حالىقتىڭ 75 پايىزدان استامى ەگىلگەن. جەتى وڭىردە – ۆاكسيناسيامەن قامتۋ 60 پايىزدان 72 پايىزعا دەيىن. ماڭعىستاۋ جانە قوستاناي وبلىستارىندا ۆاكسيناسيامەن قامتۋ دەڭگەيى 60 پايىزدان تومەن»، - دەدى اجار عينيات.