جاعا ۇستاتارلىق جاعداي: وز-وزىنە قول جۇمساۋدان قازاقستان 20-ورىندا تۇر.
ال 10-19 جاس ارالىعى بويىنشا 10-ورىنعا تۇراقتاعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بەس جىل بۇرىن ددسۇ وزىنە-وزى قول سالۋدىڭ الدىن الۋ ءۇشىن الەمدىك دەڭگەيدە ءوز باستاماسىن ىسكە قوستى. ءبىر نەمەسە بىرنەشە سۋيسيد تۋرالى ب ا ق حابارلارىنا تىكەلەي بايلانىستى جۇزدەن استام زەرتتەۋلەر جۇرگىزىلگەن. ماماندار وزىنە-وزى قول سالۋدى كەڭىنەن جاريالاۋ قوسىمشا سۋيسيدتىك مىنەز-قۇلىق قالىپتاستىراتىنىن ايتۋدا. وز-وزىنە قول سالۋدىڭ قازىرگىدەي تارالۋى جانە قۇربان بولعانداردىڭ تۋىستارىنان سۇحبات الۋ، سۋيسيدتەردىڭ ەگجەي-تەگجەيلى سيپاتتالۋى ونى قاراپايىم قۇبىلىس رەتىندە قابىلداۋعا يتەرمەلەيدى. سوندىقتان بۇل جەردە باق-تىڭ، بلوگەرلەردىڭ، پىكىر كوشباسشىلارىنىڭ ءرولى وتە جوعارى. مۇنداي وقيعالاردى جاريالاۋدا ۇلكەن جاۋاپكەرشىلىك تانىتۋ كەرەك. وسىعان بايلانىستى قازاقستاندىق مەديا اليانس ەۋروپالىق وداقتىڭ قولداۋىمەن پانەلدىك پىكىرسايىس وتكىزۋگە باستاماشى بولدى. بۇل تاقىرىپ ەو جۇمىسىنىڭ نەگىزى رەتىندە ادام قۇقىقتارى ماسەلەلەرىنىڭ ءبىر بولىگى بولىپ تابىلادى»، - دەپ اتالىپ ءوتتى قازاقستان مەديا اليانسى «باق-تىڭ ءسۋيسيدتى جاۋاپتى جاريالاۋى» اتتى پانەلدىك سەسسياسىندا.
ال 2021 جىلى قازاقستاندا ءسۋيسيدتىڭ 3922 جاعدايى تىركەلگەن. ددسۇ ستاتيستيكاسىنا سايكەس، قازاقستان سۋيسيد سانى بويىنشا 20-ورىندا تۇر، ال 10-19 جاس ارالىعى بويىنشا 10-ورىنعا تۇراقتاعان.
ايتا كەتەيىك، دەنساۋلىق ساقتاۋ مينيسترلىگى بىلتىردان بەرى بۇكىل وڭىردە كامەلەتكە تولماعاندار اراسىندا ءسۋيسيدتىڭ الدىن الۋ باعدارلاماسىن ەنگىزە باستادى. باعدارلاما 6 وڭىردە قارقىندى ىسكە اسىرىلىپ جاتىر.