وزبەكستان سوعىسقا قاتىسقان ارداگەرلەردىڭ سۋرەتىن الىپ شەرۋگە قاتىسۋعا قارسى
وزبەكستان رەسەيدىڭ «بەسسمەرتنىي پولك» اكسياسىنان باس تارتقالى جاتىر، دەپ حابارلايدى Almaty-akshamy.kz Elorda.info-عا سىلتەمە جاساپ.
بۇل تۋرالى وزبەستاننىڭ «ميلليي تيكلانيش» دەموكراتيالىق پارتياسىنىڭ جەتەكشىسى اليشەر كادىروۆ مالىمدەدى.
«بۇل اكسيا – كەڭەس وداعى ساياساتىن ناسيحاتتاۋدىڭ قۇرالى، كورشى ەلدىڭ «جۇمساق كۇشى». ءبىز مۇنداي شەرۋلەرگە قارسىمىز»، – دەپ جازدى كادىروۆ ءوزىنىڭ تەلەگرام-ارناسىندا.
ونىڭ ايتۋىنشا، ادامزاتتىڭ ءفاشيزمدى جەڭۋىنە وزبەك حالقى دا ءوز ۇلەسىن قوستى.
«اتا-بابالارىمىزدىڭ بوستاندىق ءۇشىن كۇرەستە جاۋلاپ الۋشىلار مەن دەسترۋكتيۆتى ناسيوناليستەرگە قارسى قالاي سوعىسقانىن ەشقاشان ۇمىتپايمىز. الايدا وتان ءۇشىن قازا تاپقان اتالارىمىزدىڭ فوتوسۋرەتتەرىن كوشەگە الىپ شىعىپ، بازبىرەۋلەردىڭ ساياسي قۇرالىنا اينالدىرعىمىز كەلمەيدى. ونىڭ ورنىنا ارداگەرلەردىڭ رۋحىنا، ءارۋاقتارعا قۇران باعىشتاعانىمىز دۇرىس»، – دەدى ول.