الماتى وبلىسى ەڭبەكشىقازاق اۋدانىنىڭ شارۋالارى سۋارمالى سۋعا قاتىستى شاعىم ايتتى. شارۋالاردىڭ شاعىمى تەكسەرىلدى، -دەپ حابارلايدى Almaty-akshamy.kz. سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
الماتى وبلىسىندا تەكشە مەترى 78 تيىن تۇراتىن سۋ شارۋالارعا 28 مىڭ تەڭگەدەن ساتىلعان. الماتى وبلىسى بويىنشا سىبايلاس جەمقورلىققا قارسى قىزمەت دەپارتامەنتى ءوڭىردىڭ يرريگاسيالىق جەلىلەرىنىڭ قىزمەتىنە سىبايلاس جەمقورلىققا قارسى مونيتورينگ جۇرگىزدى.
«2015 جىلدان باستاپ وڭىردە 24 اۋىل شارۋاشىلىعى كووپەراتيۆى جۇمىس ىستەگەن، ولار سۋدى د.قونايەۆ اتىنداعى ۇلكەن الماتى كانالىنان 1 تەكشە سۋ ءۇشىن 78 تيىننان الىپ، ال شارۋالارعا ءبىر گەكتار جەر ءۇشىن 20 000 – 28 000 تەڭگەدەن بەرگەن، وسىلايشا مونوپوليست ءرولىن اتقارعان. شارۋا قوجالىعى مەنشىك يەسىنىڭ ايتۋىنشا، ءبىر ماۋسىمدا ول 60 گەكتار جەردى سۋارۋ ءۇشىن 1 ملن تەڭگەدەن استام اقشا تولەگەن»، - دەيدى ۆەدومستۆو.
ناتيجەسىندە، بيىل 30 000-عا جۋىق شارۋا جانە فەرمەر قوجالىقتارى سۋدى قولايلى باعامەن الاتىن بولدى.