30 جاستاعى موتوسيكل جۇرگىزۋشىسى ەسىرتكىگە ماسايعان كۇيىندە ۇستالعان.
ءتارتىپ بۇزۋشى 15 تاۋلىككە اكىمشىلىك قاماۋعا الىندى جانە 7 جىل مەرزىمگە كولىك قۇرالىن باسقارۋ قۇقىعىنان ايىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ا.ەسىمدى ازامات رىسقۇلوۆ داڭعىلىمەن شىعىس باعىتتا كەلە جاتقان. قۇلجا تاس جولىنىڭ قيىلىسىندا ونى پاترۋلدىك پوليسيانىڭ مامانداندىرىلعان باتالونىنىڭ ەكيپاجى توقتاتتى. قۇجاتتاردى تەكسەرگەننەن كەيىن جۇرگىزۋشىنىڭ كولىكتى تەحنيكالىق بايقاۋدان وتكىزبەگەنى بەلگىلى بولدى. سونىمەن قاتار ول الكوگول نەمەسە ەسىرتكى پايدالاندى دەگەن كۇدىككە ىلىكتى. سوت-ناركولوگيالىق ساراپتاماسىنىڭ قورىتىندىسىنا سايكەس، ا.ەسىمدى ازامات ەسىرتكىگە ماس كۇيدە بولعان. ق ر اقبتك-نىڭ 608-بابى 1-بولىگى جانە ق ر اقبتك-نىڭ 590-بابى 10-بولىگى نەگىزىندە اكىمشىلىك ءىس قوزعالدى. ونىڭ ماتەريالدارى سوتقا جىبەرىلەدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.