قازاقستان جايىندا رەسەيلىك بلوگەر 4 مىڭنان استام رەپورتاج بەن فيلم تۇسىرگەن.
بۇگىن پرەزيدەنت «ادىلەتتى قازاقستان: بىرلىك، تۇراقتىلىق، دامۋ» اتتى ءحححىى سەسسياسىنىڭ وتىرىسىندا ءبىرقاتار ازاماتتارعا العىس ءبىلدىردى. سولاردىڭ ءبىرى - «العا، پەتەربۋرگ» يۋتۋب جوباسىنىڭ اۆتورى يۆان چەرۆينسكيي، دەپ حابارلايدى Almaty-akshamy.kz Egemen.kz-كە سىلتەمە جاساپ.
قانشاما كورەرمەن نازارىن وزىنە اۋدارعان «العا، پەرەربۋرگ» يۋتۋب ارناسى ديماش قۇدايبەرگەن جايلى، سونداي-اق قازاق مادەنيەتى مەن قازاقستاننىڭ جەتىستىككە جەتكەن ازاماتتارى تۋرالى دەرەك ۇسىنادى.
جوبا اۆتورىنىڭ ايتۋىنشا، بۇنىڭ بارلىعى ديماش قۇدايبەرگەندى تانىعاننان كەيىن باستالعان.
«ديماشتى I’m a singer جوباسىندا كوردىم. جۇڭگو ازاماتتارى ونىڭ ونەرى مەن تالانتىنا تامسانىپ جاتتى. سودان كەيىن ونىڭ ۆيدەولارى تانىمال بولا باستادى. ديماش تۋرالى تۇسىرگەن ۆيدەولارىم كوپ قارالىم جينادى. مەن كوپشىلىكتىڭ ديماش تۋرالى بىلگەنىن قالادىم. ناتيجەسىندە 500 ميلليون ادام كوردى»، - دەيدى يۆان چەرۆينسكيي.
بۇگىن جوبا اۆتورى قاسىم-جومارت توقايەۆتىڭ توراعالىعىمەن قازاقستان حالقى اسسامبلەياسىنىڭ «ادىلەتتى قازاقستان: بىرلىك، تۇراقتىلىق، دامۋ» اتتى ءحححىى سەسسياسىنىڭ وتىرىسىندا پرەزيدەنت العىسىنىڭ يەگەرى اتانىپ، ءسوز سويلەدى.
«مەن قازاقستاندى 2017 جىلى ديماش قۇدايبەرگەن ارقىلى تانىدىم. سودان بەرى مەن قازاقستان جايىندا 4 مىڭنان استام رەپورتاج بەن فيلم ءتۇسىردىم. ءوزىم دە قازاق مادەنيەتى مەن قازاقى رۋحتى ابدەن سەزىندىم. «مەن قازاقپىن» دەپ ايتسام دا بولادى. بۇل ەل ماعان مىڭداعان دوس تاۋىپ بەردى. بارلىعى كومەگىن ايامايدى. سول ءۇشىن دە العىس بىلدىرەمىن. مەنىڭ قازاق مادەنيەتى مەن سپورتىنا شىن جۇرەكتەن ارناعان تۋىندىلارىمدى جوعارى باعالاپ جاتقان بارشا قازاق حالقىنا زور العىس ايتامىن.
قۇرمەتتى پرەزيدەنت، بۇگىندە قازاقستان ءتۇرلى سالادا جەتىستىكتەرگە جەتىپ جاتقانىنا وتە قۋانىشتىمىن، اسىرەسە، جاستاردىڭ جەتىستىگىنە ەرەكشە قۋانامىن. قازاقستان ءالى تالاي بەلەستى باعىندىراتىنىنا سەنىمدىمىن. باسقا مەملەكەتتەردىڭ دە قازاقستاننان ۇيرەنەرى كوپ دەپ ويلايمىن. ماسەلەن قوناقجايلىلىعى، تولەرانتتىلىعى مەن مادەني جان-جاقتىلىعى - كوپكە ۇلگى. مەن قازاقستان تۋرالى الەم ەلدەرىنىڭ بىلگەنىن قالايمىن. مەن قازاقستاندى جاقسى كورەمىن!»، دەدى ول.