وسىنى ەسكەرگەن قازاقستان مەن وزبەكستان قوس مەملەكەت تۇتىناتىن سۋدىڭ ناقتى كولەمىن ەسەپتەۋگە مۇمكىندىك بەرەتىن قوندىرعى ورناتۋ جونىندە كەلىسىمگە كەلدى.
ەندى ەكى ەل ترانسشەكارالىق وزەندەرگە سۋ ەسەپتەيتىن قوندىرعىلار ورناتادى، دەپ حابارلايدى Almaty-akshamy.kz
سونداي-اق تاراپتار ءوزارا ونلاين-رەجيمدە اقپارات الماساتىن بولادى. سۋ رەسۋرستارى جانە يرريگاسيا مينيسترلىگىنىڭ مالىمەتىنشە، قازاقستان وزبەكستان اۋماعىنا سۋ ەسەپتەيتىن قۇرال ورناتسا، وزبەك تاراپى دا ءبىزدىڭ ەلگە ءوز قوندىرعىلارىن قويادى. سونداي-اق تاراپتار ءوزارا ونلاين-رەجيمدە اقپارات الماساتىن بولادى. قازاقستان وزبەكستاننىڭ اۋماعىندا جينالعان دەرەكتەرگە، ال وزبەك جاعى ءبىزدىڭ ەلدەگى دەرەكتەرگە قول جەتكىزە الادى.
بۇل ۋاعدالاستىق ءبىرىنشى كەزەكتە گەوگرافيالىق تۇرعىدان وزەندەردىڭ باستاۋىنان تىس جاتقان ءبىزدىڭ ەلىمىزدىڭ مۇددەسى ءۇشىن وتە ماڭىزدى.
ءقازىر قوس مەملەكەتتىڭ ساراپشىلارى سۋ ەسەپتەيتىن قوندىرعىلار ورناتىلاتىن ورىنداردى كەلىسىپ جاتىر. سونداي-اق جوباعا حالىقارالىق ۇيىمداردى دا تارتۋ بويىنشا كەلىسسوزدەر جۇرگىزىلۋ ۇستىندە.
«سۋ ەسەپتەيتىن قۇرالداردى ورناتۋ ەكى ەل تۇتىناتىن سۋ كولەمىن ونلاين رەجيمدە باقىلاۋعا مۇمكىندىك بەرەدى. ءساۋىر ايىندا ءبىز باسقا دا كورشىلەس مەملەكەتتەرمەن وسىنداي جوبالاردى ىسكە اسىرۋ بويىنشا كەلىسسوز جۇرگىزۋدى باستاۋعا نيەتتىمىز»، دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.