ءماجىلىس دەپۋتاتى ەربولات ساۋرىقوۆ وسىنى ايتىپ، دابىل قاقتى.
دەپۋتاتتىڭ دەرەگىنشە، سوڭعى 5 جىلدا بالالار ۇيىنە قايتارىلعان بالانىڭ سانى 64 پايىزعا وسكەن، دەپ حابارلايدى Almaty-akshamy.kz
«قازاقستاندا بالا اسىراپ العىسى كەلەتىندەردىڭ سانى جىل سايىن كوبەيىپ جاتىر. ءبىراق اسىراپ الىنعان بالالاردىڭ بالالار ۇيىنە قايتارۋ سانى دا ازايماي، ۇنەمى ءوسىپ جاتىر. مىسالى، سوڭعى 5 جىلدا بالالار ۇيىنە قايتارىلعان بالالاردىڭ سانى 64 پايىزعا ءوستى»، دەدى دەپۋتات.
ونىڭ ايتۋىنشا، 2020 جىلى 160 بالا، 2021 جىلى 197 بالا، 2022 جىلى 217 بالا بالالار ۇيىنە قايتارىلعان.
بۇل اقپاراتتى وقۋ-اعارتۋ ۆيسە-مينيسترى ەدىل وسپان دا راستادى.
«وسى ماسەلەگە بايلانىستى مينيسترلىك دايىنداعان «بالالاردىڭ قۇقىقتارىن قورعاۋ تۋرالى» زاڭ جوباسى ماجىلىستە قاراۋدا جاتىر. ول زاڭنىڭ اياسىندا كاسىبي اسىراپ الۋشى وتباسى ينستيتۋتى ەنگىزىلىپ جاتىر. وسى ينستيتۋت ماسەلەنى شەشۋگە سەپتىگىن تيگىزەدى دەپ ويلايمىز»، دەدى ۆيسە-مينيستر.