سۋدىڭ دا سۇراۋى بار

اۋىز سۋعا ءارتاراپتاندىرىلعان تاريف بەلگىلەنەدى

بۇل تۋرالى ماجىلىستە وتكەن دوڭگەلەك ۇستەل بارىسىندا سۋ رەسۋرستارى جانە يرريگاسيا ءمينيسترى ن.نۇرجىگىتوۆ مالىمدەدى، دەپ حابارلايدى اlmaty-akshamy.kz. مينيستر مۇنداي تاريف ەنگىزۋ ارقىلى جىلىنا 13 ملرد تەڭگە تارتۋعا مۇمكىندىك بەرەتىنىن ايتتى.

سونىمەن قاراستىرىلىپ وتىرعان جوسپار بويىنشا تۇتىنۋشىلاردى ءتورت توپقا ءبولۋ جوسپارلانىپ وتىر. 

1. ايىنا 3 تەكشە مەترگە دەيىن اۋىز سۋ تۇتىناتىندار – بۇل تۇرعىنداردىڭ 49 پايىزى. ولار قولدانىستاعى تاريف بويىنشا تولەيدى.

2. ايىنا 3-5 تەكشە مەتر تۇتىناتىندار (قازاقستاندىقتاردىڭ 20%-ى) – بۇلارعا تاريف 20%-عا جوعارى بولادى.

3. ايىنا 5-10 تەكشە مەتر (سونىمەن بىرگە 20%) تۇتىناتىندار قولدانىستاعى تاريفتەن ءبىر جارىم ەسە ارتىق تولەۋگە ءماجبۇر بولادى.

4. ايىنا 10 تەكشە مەتردەن استام تۇتىناتىندارعا (بۇل قازاقستاندىقتاردىڭ 11%-ى) قوس تاريف بەرىلەدى. 

«بيۋدجەتكە تۇسكەن قارجىنى مونوپوليستەر جەلىنى جاڭعىرتۋعا، جابدىققا پايدالانۋعا ءتيىس»، – دەدى ن.نۇرجىگىتوۆ.

ۇلتتىق ەكونوميكاعا مينيسترلىگىنىڭ ارنايى بۇيرىعى 11-اقپاندا شىققان. ونى ىسكە قوسۋ ايماقتاعى مونوپوليستەردىڭ وتىنىمىنە وراي ىسكە اسادى.