بەنزين مەن ديزەلگە شەكتى باعا ەنگىزىلمەك

ەنەرگەتيكا مينيسترلىگى بەنزين مەن ديزەلدىڭ جاڭا باعاسىن بەلگىلەمەك

«اشىق نقا» پورتالىندا ەنەرگەتيكا مينيسترلىگى شىعارعان بۇيرىقتىڭ جوباسى جاريالاندى. جوبا 28 اقپانعا دەيىن قوعامدىق تالقىلاۋدان وتەدى، دەپ حابارلايدى اlmaty-akshamy.kz. 

«باعالارىنا مەملەكەتتىك رەتتەۋ بەلگىلەنگەن ستاسيونارلىق اۆتو جانار-جاعار ماي قۇيۋ ستانسيالارى ءۇشىن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 19 مامىرداعى № 361 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11165 بولىپ تىركەلگەن) مىناداي وزگەرىس ەنگىزىلسىن»، - دەلىنگەن بۇيرىق ماتىنىندە. 

اي-80 بەنزينى – 1 ليترىنە 89 تەڭگە؛

اي-92 جانە اي-93 بەنزينى – 1 ليترىنە 205 تەڭگە؛

ديزەل وتىنى (جازعى، ماۋسىمارالىق) –1 ليترىنە 295 تەڭگە. 

«بۇيرىق جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى»، - دەلىنگەن حابارلامادا.

ەستەرىڭىزگە سالا كەتەيىك، ءقازىر جازعى ديزەل وتىنىنىڭ شەكتى باعاسى شەتەلدىكتەر ءۇشىن 450 تەڭگە، وتانداستارىمىزعا – 295 تەڭگە.