جۇڭگو عالىمدارى قاتتى سۋدى جايلاپ قايناتۋ ارقىلى سۋ قۇرامىنداعى ميكروپلاستيكتىڭ 80%-90%-ى كەتەتىنىنە كوز جەتكىزدى.
سۋداعى ميكروپلاستيك شوگىندىگە اينالادى. بۇل جايىندا islam.kz پورتالى knife.media اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
بۇل باعىتتاعى تاجىريبە بارىسىندا قاتتىلىق (قاتتى سۋ - ەرىتىلگەن مينەرالداردىڭ ايتارلىقتاي مولشەرىن قامتيتىن سۋ – رەد.) دەڭگەيى ءارقالاي سۋعا مولشەرى 0،1-دەن 150 ميكرومەترگە دەيىن بولاتىن ءۇش ءتۇرلى بولشەكتەر – پوليستيرول، پوليەتيلەن جانە پوليپروپيلەن قوسىلدى. سودان كەيىن ميكروپلاستيك قوسىلعان سۋ بەس مينۋت شاماسىندا قايناتىلدى. قاتتىلىعى جوعارى سۋدى قايناتۋ ءادىسى تيىمدىلىك تانىتقان. قايناتۋ ءتاسىلى مۇنداي سۋدا كەزدەسەتىن پلاستيكالىق ميكروبولشەكتەردىڭ 90%-نا دەيىن جويۋعا مۇمكىندىك بەردى. عالىمدار قايناتۋ ءادىسىنىڭ قىمباتقا تۇسەتىن سۇزگىدەن وتكىزۋ تەحنولوگياسىن قولدانۋ مۇمكىن بولماعان كەزدە اۋىزسۋدى تازارتۋدىڭ ارزان ءارى جىلدام تاسىلىنە اينالاتىنىن العا تارتىپ وتىر. تاجىريبە بارىسىندا بۇل ءادىستىڭ تيىمدىلىگى ايقىندالدى، اسىرەسە، كالسيي مولشەرى جوعارى سۋدى (ليترىنە 300 مگ ساسو3) ميكروپلاستيكتەردەن 90%-عا دەيىن تازارتۋعا مۇمكىندىك بەرگەن. كەرمەگى تومەن سۋدى (ليترىنە 60 مگ ساسو3 از) قايناتقاندا ميكروپلاستيكتەن 25% ارىلتقان.