اۋرۋ – ورازا ۇستاماۋعا رۇقسات ەتەتىن ۇزىرلەردىڭ ءبىرى.
ورازا كەزىندە ءجيى قويىلاتىن سۇراقتاردىڭ ءبىرىن Almaty-akshamy.kz Muslim.kz-كە سىلتەمە جاساي وتىرىپ حابارلايدى.
يمام ءناسافي «كانزۋ ءاد-داقايق» كىتابىندا: «اۋرۋدىڭ اسقىنۋىنان قورىقسا، اۋزىن اشۋعا رۇسات» – دەگەن.
ءبىراق بۇل اۋرۋلاردى ەكىگە ءبولىپ قارايمىز:
ءبىرىنشىسى: جازىلاتىن اۋرۋ. مۇنداي جاعدايدا اۋىزدى اشۋعا بولادى. كەيىن اۋرۋىنان ايىققان سوڭ قازاسىن وتەيدى. اللا تاعالا «باقارا» سۇرەسىنىڭ 184-اياتىندا: «ال كىم ناۋقاس بولىپ نەمەسە ساپار شەگىپ ورازا ۇستاماسا، (قازا بولعان كۇندەرىن) باسقا ۋاقىتتا ۇستاسىن»، – دەگەن.
ەكىنشىسى: ورازاعا شاماسى جەتپەيتىن، سوزىلمالى (حرونيكالىق) اۋرۋ. بۇل جاعدايدا ورازا ۇستاماي ءار كۇنىنە ءپىديا بەرەدى. اللا تاعالا جوعارىداعى اياتتىڭ جالعاسىندا: «ورازا ۇستاۋعا شاماسى ازەر جەتەتىندەر (ياعني، قارتتار مەن سوزىلمالى دەرتكە شالدىققاندار) ءپىديا رەتىندە ءبىر جارلىنىڭ تاماعىن بەرۋى كەرەك»، – دەگەن.