سۋدان 30 ساۋىرگە دەيىن اۋە كەڭىستىگىن جاپتى
قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ سۋداننان ءۇش قازاقستاندىق ايەل ەۆاكۋاسيالانعانىن ايتتى، دەپ حابارلايدى Almaty-akshamy.kz.
ولار سۋداننان ەلدەگى قارۋلى قاقتىعىسقا بايلانىستى كەتۋگە ءماجبۇر بولدى.
"ولاردىڭ ءبىرى بۇۇ جۇيەسىندە جۇمىس ىستەگەن، ول ءقازىر ەفيوپيادا، ادديس-ابەبادا. ال تاعى ءبىر ازامات جاپوندىق كومپانيادا جۇمىس ىستەگەن، ونى دا جاپون ديپلوماتتارى ەۆاكۋاسيالادى"، - دەدى ايبەك سمادياروۆ.
15 ساۋىردەن بەرى سۋداندا تۇراقتى ارميا مەن اسكەري قۇراما اراسىندا قاقتىعىستار بولىپ جاتىر، سالدارىنان بەيبىت تۇرعىندار قازا تاۋىپ جاتىر، بۇنىڭ سوڭى ازاماتتىق سوعىسقا اكەلۋى مۇمكىن. سۋدان 30 ساۋىرگە دەيىن اۋە كەڭىستىگىن جاپتى.