پرەزيدەنت قاسىم-جومارت توقايەۆ ۇلتتىق بانك ءتوراعاسى عالىمجان ءپىرماتوۆتى قابىلدادى، دەپ حابارلايدى Almaty-akshamy.kz. اقورداعا سىلتەمە جاساپ.
مەملەكەت باسشىسىنا ۇلتتىق بانكتىڭ وسى جىلدىڭ ءبىرىنشى توقسانىنداعى اقشا-كرەديت ساياساتىن ىسكە اسىرۋ قورىتىندىسى تۋرالى ەسەپ بەرىلدى.
پرەزيدەنتكە قازاقستاننىڭ ەكونوميكاسى مەن قارجى سەكتورىنداعى احۋال، ىسكەرلىك بەلسەندىلىكتىڭ جاقسارۋى، دەپوزيت نارىعىنىڭ ديناميكاسى، سونداي-اق بجزق-نىڭ، ۇلتتىق قوردىڭ اكتيۆتەرى مەن التىن-ۆاليۋتا رەزەرۆتەرىنىڭ جاعدايى تۋرالى باياندالدى.
عالىمجان ءپىرماتوۆ اي سايىنعى جانە بازالىق ينفلياسيانىڭ تومەندەگەنىن جانە رەتتەۋشىنىڭ بۇعان دەيىن جاساعان بولجامدارىنا سايكەس كەلىپ وتىرعانىن جەتكىزدى. سونىمەن قاتار ينفلياسيا دەڭگەيى ءالى دە جوعارى كۇيىندە قالىپ وتىر. بۇل قازىرگى اقشا-كرەديت شارتتارىن ساقتاۋدى قاجەت ەتەدى.
مەملەكەت باسشىسىنا جەدەل تولەمدەر جۇيەسىنىڭ دامۋى جانە سيفرلىق تەڭگەنى ەنگىزۋگە دايىندىق بارىسى تۋرالى مالىمەت بەرىلدى.
كەزدەسۋ سوڭىندا قاسىم-جومارت توقايەۆ اقشا-كرەديت ساياساتىن ءتيىمدى جۇزەگە اسىرۋعا باعىتتالعان ءبىرقاتار تاپسىرما بەردى.