بۇگىنگى تاڭدا تاسقىننان زارداپ شەككەن 16 مىڭنان استام وتباسىنا 100 ايلىق ەسەپتىك كورسەتكىش كولەمىندەگى بىررەتتىك تولەم بەرىلدى. ونىڭ جالپى سوماسى 6 ملرد تەڭگەگە جۋىقتايدى.
وڭىرلىك كوميسسيالارعا بۇلىنگەن مۇلىك پەن شىعىندى وتەۋ بويىنشا 25 مىڭعا جۋىق ءوتىنىش كەلىپ تۇسكەن، دەپ حابارلايدى Almaty-akshamy.kz 24.kz-كە سىلتەمە جاساپ.
ۇكىمەت باسپاناسىنان ايىرىلعانداردى تۇرعىن ۇيمەن قامتۋدىڭ ءۇش جولىن ۇسىنىپ وتىر. نىسانعا جوندەۋ جۇمىستارى جۇرگىزىلەدى، دايىن پاتەر ساتىپ الىنادى نەمەسە جاڭا باسپانا سالىنادى. ەگەر ازامات ءۇيدى ءوزىم سالامىن دەسە، قارجىنى ءبولىپ بەرۋ تەتىگى قاراستىرىلعان. جاڭادان سالىناتىن ءبىر بولمەلى پاتەردىڭ اۋدانى 80، ەكى بولمەلى پاتەردىڭ اۋدانى 160 شارشى مەتر بولادى.
«اۋدانى 80 شارشى مەتر ءۇيدىڭ قۇنى 22 ملن شاماسىندا، ەكى بولمەلى 160 شارشى مەترلىك ۇيلەر 41 ملن تەڭگە شاماسىندا بولادى. بۇل اكىمدىكتەر بولگەن جەر ۋچاسكەلەرىنە بەكىتىلەتىن تيپتىك جوبالار بويىنشا. ەرەجە بويىنشا، باسپانانىڭ قۇنى مەن كولەمى تيپتىك جوبالاردان اسىپ كەتسە، بيۋدجەتتەن تىس كوزدەردەن قارجىلاندىرۋعا بولادى. ياعني ءتۇرلى قورلاردىڭ قاراجاتى پايدالانىلادى. باستىسى، قازاقستان رەسپۋبليكاسىنىڭ زاڭنامالارىنا قايشى كەلمەۋى كەرەك»، - دەيدى ق ر ونەركاسىپ جانە قۇرىلىس مينيسترلىگى باسقارماسىنىڭ باس ساراپشىسى مارات جاربولوۆ.
مۇنداي ۇيلەردىڭ شارشى مەترى 275 مىڭ تەڭگە بولىپ باعالانادى. بۇل سوما بيۋدجەتتەن تىس كوزدەردىڭ قاراجاتى ەسەبىنەن كوبەيۋى مۇمكىن. قۇرىلىس جۇمىستارى 1،5 ايدان 2،5 ايعا دەيىن ءجۇرۋى مۇمكىن. ول ۇيلەردى سۋ تاسقىنى ءقاۋپى جوق جەرلەرگە سالادى. ياعني جاڭا ورىندا ينفراقۇرىلىمدىق جوبالاار دا سالىنۋى كەرەك.
ۆيكتور ميكريۋكوۆ، «قازاقستان قۇرىلىس سالۋشىلار قاۋىمداستىعى» ءتوراعاسى: -
«ميللياردتاعان قاراجات كەرەك بولادى. ويتكەنى وراسان زور شىعىن كەلدى. ءقازىر كاسىپكەرلەر دە بەلسەندى كومەك بەرىپ جاتىر. ءبىزدىڭ قاۋىمداستىققا كىرەتىن كومپانيالار دا قورعا 1،5 ملرد تەڭگە اۋداردى. تاعى 6 ملرد تەڭگە اۋدارامىز. قۇرىلىسشىلار بۇل قيىندىقتى بىرگە ەڭسەرۋگە بارىنشا كومەكتەسەدى.
«توپان سۋ كەتكەن سوڭ ودان زارداپ شەككەن ايماقتار قالپىنا كەلتىرىلەدى. بۇل كۇردەلى ءارى جاۋاپتى جۇمىس. ەڭ الدىمەن، ازاماتتارعا شىعىندارىن وتەۋ ءۇشىن ءتيىستى وتەماقى تولەنەدى. ءۇي-جاي قۇرىلىسى باستالادى، باسپانا بەرىلەدى، بۇلىنگەن ينفراقۇرىلىم جوندەلەدى. پرەزيدەنت رەتىندە مەن بۇل جۇمىستارعا قارجى جۇمساۋدان ايانىپ قالمايمىن. مەن ءۇشىن، ەڭ باستىسى، ازاماتتاردىڭ ءال-اۋقاتى. وسى قىرۋار جۇمىس وتە از ۋاقىتتا، ياعني جاز بەن كۇزدىڭ بەس-اق ايىندا اياقتالۋعا ءتيىس. ءبىراق ءبىز بىرلەسىپ، بۇل شارۋانى ابىرويىمەن اتقارىپ شىعامىز دەپ سەنەمىن. تۇرعىن ۇيلەر مەن ينفراقۇرىلىمدى قالپىنا كەلتىرۋ جۇمىسىن ءوزىم جەكە باقىلاۋعا الامىن»، - دەدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ.
سۋ تاسقىنىنان زارداپ شەككەن ايماقتارداعى تۇرعىنداردىڭ بارلىعى قازان ايىنا دەيىن باسپانامەن قامتىلادى. ۇكىمەت رەزەرۆىنەن ءقازىردىڭ وزىندە 405 ملن تەڭگە ءبولىندى. قاراجاتقا قوستاناي وبلىسىندا 31 پاتەر ساتىپ الىندى.
ال اقتوبە، قاراعاندى، پاۆلودار، باتىس قازاقcتان مەن سولتۇستىك قازاقستان وبلىستارىندا باسپانا سالۋ ءۇشىن جەر تەلىمدەرى ءبولىنىپ، مەردىگەر ۇيىمدار بەلگىلەندى. قۇرىلىس جۇمىستارى جاقىندا باستالادى.