الماتىدا بىرنەشە كوممەرسيالىق نىسان بىردەن بۇزىلدى

سوت شەشىمى بويىنشا قوعامدىق تاماقتاندىرۋ نىساندارى مەن دۇكەن بۇزىلدى، دەپ حابارلايدى Almaty-akshamy.kz.

الماتىنىڭ قالا قۇرىلىسىن باقىلاۋ باسقارماسىنىڭ حابارلاۋىنشا، تۇركەبايەۆ كوشەسى، 88 - ءۇي بويىندا ورنالاسقان عيماراتتى جوسپاردان تىس تەكسەرۋ  كەزىندە باسقارما قوسالقى نىساننىڭ رۇقسات قۇجاتتارىنسىز  سالىنعانىن انىقتادى.

مەنشىك يەسىنە (جەكە تۇلعاعا) قاتىستى جول بەرىلگەن بۇزۋشىلىقتاردى جويۋعا نۇسقاما بەرە وتىرىپ، ق ر اقبتك 316-بابى 1-بابى، 321-بابى، 323-بابى بويىنشا شارالار قابىلداندى.

2023 جىلدىڭ 18 مامىرىندا اەاس-قا بۇزۋ تۋرالى تالاپ قويىلدى، ونى سوت قاناعاتتاندىردى. 

كەيىن مەنشىك يەسى اپەللياسيالىق شاعىم بەردى، الايدا ءبىرىنشى ساتىداعى سوتتىڭ شەشىمى الماتى قالالىق سوتىنىڭ 2023 جىلعى 17 قازانداعى قاۋلىسىمەن وزگەرىسسىز قالدىرىلدى.

بۇگىن نىسان سوت ورىنداۋشىلارىنىڭ قاتىسۋىمەن ءسۇرىلدى.

ايتا كەتەرلىگى، بۇعان دەيىن الماتى اكىمى ەربولات دوسايەۆ زاڭسىز قۇرىلىستى باقىلاۋدى كۇشەيتۋدى تاپسىرعان بولاتىن. 

جالپى، قالا بويىنشا تالاپ قويۋ قىزمەتىنىڭ ناتيجەلەرىنە ساكەس جىلدان باستاپ 28 زاڭسىز نىسان، ونىڭ ىشىندە بيزنەس-ورتالىقتار، مەيرامحانالار، قوسالقى نىساندار مەن اۆتوسەرۆيستەر، سونداي-اق «مەچتا» جانە KHAN سياقتى ءىرى تۇرعىن ءۇي كەشەندەرى بۇزىلدى.