قاراساي اۋدانىنداعى العاشقى كادەت سىنىپتارى قاسكەلەڭ قالاسىنداعى بەلينسكيي ورتا مەكتەبىندە اشىلدى.
العاش رەت الماتى وبلىسىندا كادەت سىنىپتارى 2017 جىلى اشىلعان. تاجىريبە كورسەتكەندەي، بالالاردىڭ ۇلگەرىم دەڭگەيى ايتارلىقتاي ءوستى. وڭ ناتيجەلەر ارنايى پاندەر بويىنشا دا بايقالدى.
ناتيجەسىندە وڭىردە كادەت سىنىپتارىنىڭ تانىمالدىعى ارتتى. بۇل الماتى وبلىسىنىڭ باسقا اۋداندارىندا كادەت سىنىپتارىنىڭ انالوگتارىن قۇرۋ تۋرالى حالىق تاراپىنان سۇرانىسقا يە بولدى.
«كادەت سىنىپتارىنىڭ اشىلۋى اسكەري-پاتريوتتىق تاربيەنى ارتتىرۋدا ەرەكشە ءرول اتقارادى، ويتكەنى ار-نامىس، قادىر-قاسيەت جانە ءتارتىپ سياقتى ۇعىمدار جاس پوليسەيلەر ءۇشىن ومىرلىك ۇستانىمعا اينالادى»، – دەپ اتاپ ءوتتى الماتى وبلىسى پد باستىعى باۋىرجان الەنوۆ.
سونىمەن قاتار ءىىو قىزمەتكەرلەرىنە قىزمەتتىك بورىشىن وتەۋ كەزىندە قازا تاپقانداردىڭ ەسكە الۋ قۇرمەتىنە ەسكەرتكىش، جانە قاراقشىلىق شابۋىل جاسادى دەپ كۇدىكتىنى ۇستاۋ كەزىندە ەرلىكپەن قازا تاپقان ميليسيا كاپيتانى ۆيكتور يۆانوۆقا، ءوڭىردىڭ قۇقىقتىق ءتارتىپ ورگاندارىنىڭ قالىپتاسۋى مەن دامۋىنا ەلەۋلى ۇلەس قوسقانى ءۇشىن پوليسيا پولكوۆنيگى ارىستانبەك كيسيكوۆقا ارنالعان مەموريالدىق تاقتا سالتاناتتى تۇردە اشىلدى.
«ءتارتىپ ساقشىلارى زاڭدىلىق پەن قۇقىقتىق ءتارتىپتى كۇزەتۋدە، كوبىنەسە قىزمەتتىك بورىشىن وتەۋ كەزىندە قازا تابادى. ءبىز بەيبىت تۇرعىنداردىڭ قۇقىقتىق ءتارتىبى مەن تىنىشتىعىن ساقتاۋ ءۇشىن ءومىر سىيلاعان قازىرگى زاماننىڭ باتىرلارىن قۇرمەتتەيمىز جانە ەسىمىزدە ساقتايمىز»، – دەپ تۇيىندەدى ب. الەنوۆ.