اتىراۋ وبلىسىنىڭ قۇلسارى قالاسىندا، سولتۇستىك قازاقستان وبلىسىنىڭ پەتروپاۆل قالاسى مەن قىزىلجار اۋدانىندا سۋ باسقان اۋماقتاردان سۋ سورۋ جۇمىستارى تاۋلىك بويى جالعاستىرىلۋدا.
وتكەن تاۋلىكتە پەتروپاۆل قالاسى مەن قىزىلجار اۋدانىندا 704 ءۇي مەن 219 اۋلا اۋماعىنان سۋدىڭ باعىتى بۇرىلىپ، سۋ سورىلدى. بارلىعى 130 227 تەكشە مەتر سۋ سورىلدى. وزەندەردەگى سۋ دەڭگەيىنە مونيتورنينگ جۇرگىزىلۋدە، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ
الماتى قالاسى، اباي، قوستاناي، پاۆلودار وبلىستارى تج دەپارتامەنتتەرىنىڭ كۇشتەرى مەن قۇرالدارى سۋ تاسقىنىنا قارسى جۇمىستار جۇرگىزۋ ءۇشىن سولتۇستىك قازاقستان وبلىسىنا جىبەرىلدى.
اقتوبە وبلىسى ىرعىز اۋدانىنىڭ قۇيلىس جانە جايساڭباي اۋىلدارىندا بوگەتتەردى نىعايتۋ جۇمىستارى، تورعاي وزەنى سۋ دەڭگەيىنە ساعات سايىن مونيورينگ جۇرگىزىلۋدە. وتكەن تاۋلىكتە 4 600 قاپشىق پەن 710 توننا ينەرتتى ماتەريال توسەلدى.
وتكەن تاۋلىكتە توتەنشە جاعدايلار مينيسترلىگىنىڭ رادياسيالىق، حيميالىق جانە بيولوگيالىق قورعاۋ بولىمشەلەرى سولتۇستىك قازاقستان وبلىسىنىڭ قىزىلجار اۋدانىندا سۋ باسقان 97 ۇيدە، اتىراۋ وبلىسىنىڭ قۇلسارى قالاسى مەن جىلىوي اۋدانىندا ەكى كوپقاباتتى تۇرعىن ءۇي مەن اۋماقتاردا دەزينفەكسيالاۋ جۇرگىزدى. سونىمەن قاتار قورعانىس مينيسترلىگىنىڭ اسكەري ءبولىمىنىڭ كۇشتەرى باتىس قازاقستان وبلىسىنىڭ ورال قالاسى ماڭىنداعى اۋماقتاردا جالپى اۋدانى 65،2 گەكتار سۋ باسقان اۋماقتاردا دەزينفەكسيالاۋ جۇرگىزىلدى.
رەسپۋبليكا بويىنشا 9 660 تۇرعىن ءۇي مەن 3 213 اۋلا اۋماعىنان سۋدىڭ باعىتى بۇرىلىپ، سۋ سورىلدى. 16،2 ملن ەرىگەن قار سۋى سورلدى. 50 467 ادام ءوز ۇيلەرىنە ورالدى. 5 447 ادام ۋاقىتشا ورنالاسۋ پۋنكتتەرىندە قالۋدا.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 11 458 ادام، 1 289 تەحنيكا، 329 سۋ سورۋ قۇرالى جانە 68 ءجۇزۋ قۇرالى، 6 اۋە كەمەسى جۇمىلدىرىلدى.