اتىراۋ وبلىسىندا جايىق وزەنى سۋ دەڭگەيىنە مونيتورينگ جالعاستىرىلۋدا.
سۋ تاسقىنى جاعدايىنىڭ مونيتورينگى دروننىڭ كومەگىمەن جۇزەگە اسىرىلادى.بوگەتتەردى نىعايتۋ جۇمىستارى جۇرگىزىلىپ جاتىر. وتكەن تاۋلىكتە يندەر، ماحامبەت، يساتاي، قۇرمانعازى اۋداندارىندا 500-دەن استام كم بوگەن سالىندى. قۇلسارى قالاسىندا سۋ باسقان اۋماقتان جىلجىمالى سورعى ستانسياسى مەن موتوپومپا كومەگىمەن 207 مىڭنان استام تەكشە مەتر سۋ سورىلدى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ.
رەسپۋبليكا بويىنشا 38 521 ادام ءوز ۇيلەرىنە ورالدى. 6 726 ادام ەۆاكۋاسيالاۋ پۋنكتتەرىندە.
سۋ تاسقىنى باستاعالى بەرى 12،9 ملن استام تەكشە مەتر ەرىگەن قار سۋى سورىپ شىعارىلدى، 7 ملن استام قاپشىق جانە 1،5 ملن استام توننا ينەرتتى ماتەريال توسەلدى.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 20 مىڭنان استام ادام، 2 772 تەحنيكا، 335 سۋ سورۋ قۇرالى جانە 249 ءجۇزۋ قۇرالى، 7 اۋە كەمەسى جۇمىلدىرىلدى.
بۇعان دەيىن الماتى قالاسىنان، قاراعاندى وبلىسىنان باتىس جانە سولتۇستىك قازاقستان وبلىستارىنا كومەككە بارعان قورعانىس مينيسترلىگى كۇشتەرى مەن قۇرالدارىنىڭ ءبىر بولىگى تۇراقتى ورنالاسۋ ورىندارىنا قايتارىلۋدا.
قورعانىس مينيسترلىگىنىڭ اسكەري ءبولىمىنىڭ كۇشتەرى اقتوبە وبلىسىندا جالپى اۋدانى 403 گەكتار سۋ باسقان اۋماقتاردا دەزينفەكسيالاۋ جۇرگىزىلدى.