«قايرات» كلۋبىنىڭ باس جاتتىقتىرۋشىسى كيريلل كەكەر قىزمەتىنەن كەتتى.
ەندى كوماندانى 4 مامىردا «اتىراۋ» كلۋبىمەن بولاتىن ماچقا رافاەل ۋرازباحتين دايىندايدى
فۋتبول كلۋبىنىڭ حابارلاۋىنشا، ول كومانداداعا باسقا جۇمىسقا اۋىسۋىنا بايلانىستى ءوز ەركىمەن قىزمەتتەن كەتەمىن دەپ ءوتىنىش جازعان. 44 جاستاعى مامان «قايرات» فك قالا بەرەدى.
كەكەر كوماندانى 2022 جىلعى ماۋسىمنان باستاپ جاتتىقتىرعان. ونىڭ جەتەكشىلىگىمەن «قايرات» 60 ماچ ويناپ، ونىڭ 29-ىندا جەڭىسكە جەتىپ، 15 ويىندا تەڭ ءتۇسىپ، 16 رەت قارسىلاستارىنا ەسە جىبەرگەن. وسى ۋاقىتتا «قايرات» فك اكادەمياسىنىڭ 13 تۇلەگى نەگىزگى كوماندا ساپىندا دەبيۋت جاسادى.
ەندى كوماندانى 4 مامىردا «اتىراۋ» كلۋبىمەن بولاتىن ماچقا بۇعان دەيىن «قايرات-جاستار» ۇجىمىن باسقارعان رافاەل ۋرازباحتين دايىندايدى.