سۋ باسۋ ءقاۋپىن ازايتۋ جانە حالىقتىڭ قاۋىپسىزدىگىن قامتاماسىز ەتۋ ماقساتىندا سۋ تاسقىنى ءقاۋپى بار ۋچاسكەلەردە سۋ تاسقىنىنا قارسى ءىس-شارالار جالعاسۋدا.
بۇل ءىس-شارالارعا ازاماتتىق قورعاۋ قىزمەتتەرى قاتىسادى. بۇل تۋرالى aqshamnews.kz ق ر تجم مالىمەتتەرىنە سۇيەنە وتىرىپ حابارلايدى.
بيىلعى جىلدىڭ 1 ناۋرىزىنان باستاپ 5،2 ميلليوننان استام تەكشە مەتر سۋ سورىلدى، 684 مىڭ قاپشىق جانە 44 مىڭ توننا ينەرتتى ماتەريالدار توسەلدى. سونىمەن قاتار 842 مىڭنان استام مەتر سۋ بۇرۋ ارىقتارىن تازارتۋ جۇمىستارى جۇرگىزىلدى.
اۆاريالىق-قۇتقارۋ جۇمىستارىنا 288 ادام، 121 بىرلىك تەحنيكا، 33 موتوپومپا جانە 6 ءجۇزۋ قۇرالى جۇمىلدىرىلدى. سۋ تاسقىنى ءقاۋپى جاعدايىندا قاۋىپسىزدىكتى قامتاماسىز ەتۋ ءۇشىن تجم، ءىىم، جاو جانە باسقا دا ۇيىمداردىڭ قىزمەتكەرلەرى جۇمىلدىرىلدى.
اقمولا جانە سولتۇستىك قازاقستان وبلىستارىنداعى اۆتوموبيل جولدارىنىڭ 2 ۋچاسكەسىندە تاسىعان سۋ باقىلاۋدا. 1 ەلدى مەكەن كولىك قاتىناسىنسىز قالۋدا، بۇل اقمولا وبلىسى استراحان اۋدانىنىڭ ەسكى قالقۇتان اۋىلى، وندا تۇرعىندار ءۇشىن وتكەل قامتاماسىز ەتىلىپ، اۋىلعا كىرمە جولدى قالپىنا كەلتىرۋ جۇمىستارى جۇرگىزىلۋدە.
قازىرگى ۋاقىتتا ءۇش ءوڭىر باقىلاۋدا: سولتۇستىك قازاقستان، شىعىس قازاقستان جانە اباي وبلىستارى.
شىعىس قازاقستان وبلىسىندا سۋ تاسقىنى جاعدايىنا تاۋلىك بويى مونيتورينگ جۇرگىزىلۋدە. قازىرگى ۋاقىتتا وبلىس اۋماعىنىڭ 38%-ىندا قار جاتىر. اۋا تەمپەراتۋراسىنىڭ جوعارىلاۋىنا بايلانىستى شاعىن وزەندەر سۋعا تولۋى مۇمكىن. سۋ تاسقىنى ءقاۋىپتى ۋچاسكەلەردە سۋ دەڭگەيىنە تۇراقتى ولشەۋ جۇرگىزىلەدى.
سولتۇستىك قازاقستان وبلىسىندا وزەندەرگە مونيتورينگ جۇرگىزىلەدى، جاعداي تۇراقتى. زارەچنىي كەنتىندە قاپتاردى توسەۋ جانە قورعانىش بىلىكتەرىن نىعايتۋ بويىنشا سۋ تاسقىنىنا قارسى ءىس-شارالار جالعاسۋدا.
اباي وبلىسىندا وزەندەردەگى گيدرولوگيالىق جاعداي تۇراقتى، وزەندەردەگى مۇز تولىعىمەن ەرىپ كەتتى، مونيتورينگ جالعاسۋدا. جازىق اۋماقتا قار ەرىپ، وزەندەردەگى مۇز ءجۇرۋ اياقتالدى، قار تەك تارباعاتاي تاۋ جوتالارىندا بايقالادى.
توتەنشە جاعدايلار مينيسترلىگى ازاماتتاردىڭ قاۋىپسىزدىگىن قامتاماسىز ەتىپ، ىقتيمال تاۋەكەلدەردى بارىنشا ازايتا وتىرىپ، سۋ تاسقىنى جاعدايىنداعى وزگەرىستەرگە جەدەل دەن قويۋدى جالعاستىرۋدا.